Toshkent shahrida yo‘l-patrul xizmati xodimlariga sinov tariqasida yangi xizmat liboslari tarqatildi, deya xabar bermoqda poytaxt IIBB matbuot xizmati.
Sinov 12-fevraldan boshlangan. Qayd etishlaricha, 100 nafar xodimga ikki xil variantdagi xizmat liboslari tarqatilgan.
“Gazeta.uz”ning yozishicha, ichki ishlar organlarining xizmat liboslari va belgilarini qayta ko‘rib chiqish masalasi Prezidentning 2017-yil apreldagi farmonida belgilangan edi.
Ushbu qaror formalarni xalqaro standartlarga muvofiq birxillashtirish hamda “ichki ishlar organlarining ijobiy imidjini yaratish”ga yo‘naltirilgan.
Toshkentda YPX xodimlarining yangi ko‘rinishdagi xizmat liboslari sinovdan o‘tkazilishi haqida ilk bor 2019-yil martida e’lon qilingan edi.
Izoh (0)