Доғистонлик Гусейн исмли фуқаро «Волга» ГАЗ-3102 машинасини Dodge Charger кўринишида йиғди. Бу ҳақда Carakoom хабар берди.
Лойиҳа Lexus LS 430 машинасининг кучли 3UZ-FE мотори ва эски «Волга» ни сотиб олинганидан кейин бошланган ва машина деярли икки йил давомида қайта йиғилган. Аввалига машина Маслкарга ўхшаб қолган, лекин «Форсаж-7» фильмидаги қаҳрамон Вин Дизель ҳайдаган Dodge Charger таассурот қолдиргач Гусейн «Волга» ни шунга ўхшатишга қарор қилган.
Двигатель ортиқча қийинчиликсиз жойланган, узатмалар қутиси ва кардан Lexus’ники, совитиш радиатори BMW 5’ники бўлган. Стандартлигича қолган «подвеска» лар кучайтирилган. Орқа «мостлар» ҳам шундайлигича қолган, аммо айрим ички ўзгаришлар сабаб 500 от кучига чидамли бўлган.
Автомобиль ташқи томони ялтирамайдиган кул рангга бўялгани, алюмин профилли бампер ва ғилдирак ҳамда капот билан фарқ қилади.
Изоҳ (0)