Қамчиқ довонида Kia юк машинасининг ҳайдовчиси бошқарувни йўқотиши натижасида йўл четидаги хандаққа тушиб кетди, дея хабар бермоқда ФВВ.
Маълум қилинишича, 2020 йил 9 октябрь соат 05:30 да Қамчиқ довонидан ўтган А-373 Тошкент–Ўш автомобиль йўлининг 233 километридаги Тошкент–Водий йўналишида ҳаракатланган Kia русумли автомашина ҳайдовчиси Х.Б. исмли фуқаро бошқарувни йўқотиб, йўл четидаги хандаққа (кюветга) ёнбошлаб тушиб кетган. Ҳайдовчи воқеа пайтида автоуловдан сакраб тушиб қолишга муваффақ бўлган.
Воқеа жойига дастлаб «Қамчиқ» МҚЁҚБнинг 8-пост назоратидан Сержант М.Холиқов чиқиб, ҳайдовчига психологик ёрдам кўрсатган. Шундан сўнг автоуловни хандақдан чиқариш учун «Қамчиқ» қутқарув отряди, ЙПХ ҳамда «Қамчиқавтойўл» ходимлари етиб келишиб, вазиятни ўрганган.
Шунга кўра, Kia автомашинаси махсус техникалар ёрдамида хандақдан чиқариб олинган.
Аввалроқ Қамчиқ довонида Mercedes фургони ва Isuzu юк машинаси хандаққа тушиб кетгани ҳақида хабар берилганди.
Изоҳ (0)