Наманган вилоятида ёғингарчилик сабаб бошқарувини йўқотган «ВАЗ-2103» ариққа тушиб кетди, дея хабар бермоқда ЙҲХББ.
Қайд этилишича, 2020 йил 9 октябрь куни Поп туманидан ўтган Қумғон–Наманган йўлининг 28-километрида ҳайдовчи бошқарувни йўқотиши оқибатида «ВАЗ-2103» автомашинаси йўл четидаги бетон ариққа тушиб кетган.
Натижада ҳайдовчи оғир тан жароҳати олиб воқеа жойида вафот этган. Автомобилда бўлган йўловчи эса шифохонанинг жонлантириш бўлимига ётқизилган. Ҳозирда тергов-суриштирув ишлари олиб борилмоқда.
Аввалроқ Наманганда Cobalt, Самарқандда эса Epica каналга тушиб кетиши оқибатида ҳайдовчилар вафот этгани ҳақида хабар берилганди.
Изоҳ (0)