Ҳилола Умарова Президент, ижод ва ихтисослаштирилган мактабларни ривожлантириш агентлигининг янги раҳбари бўлди. Бу ҳақда Олий Мажлис Сенати раиси Танзила Норбоева ўзининг Telegram каналида маълум қилди.
Ҳилола Умарова 1988 йил 9 август санасида Германиянинг Ваймер шаҳрида туғилган.
У 2010 йил Жаҳон иқтисодиёти ва дипломатия университетининг бакалавр босқичи, 2013 йил эса ушбу университетнинг магистратура босқичини тамомлаган.
Фаолияти давомида Тошкент шаҳридаги Инҳа университетининг фаол тадбиркорлик, инновацион ғоялар ва технологияларни қўллаб-қувватлаш масалалари бўйича бош менежери лавозимида ишлаган. Тайинловга қадар Муҳаммад ал-Хоразмий номидаги ихтисослаштирилган ахборот-коммуникация технологиялари мактаби директори лавозимида ишлаб келаётган эди.
Ҳилола Умарова «Ўзбекистон белгиси» кўкрак нишони билан тақдирланган.
Аввалроқ Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги директори лавозимида фаолият юритган Сарвар Бобохўжаев Тошкент ахборот технологиялари университети ректори лавозимига тайинланганди.
Изоҳ (0)