Италия терма жамоаси ўртоқлик учрашувида Молдовани йирик ҳисобда таслим этди (6:0).
Бу Роберто Манчини қўл остидаги Италия терма жамоасининг 22-ўйиндаги 15-ғалабаси бўлди. Шунингдек, жамоа ҳисобида 5 дуранг ва 2 мағлубият бор.
55 ёшли мутахассисда ғалабалар фоиз кўрсаткичи 68 га тенг бўлиб турибди. Бу Италия терма жамоасида 20 та ва ундан ортиқ ўйинда ишлаган мураббийлар орасидаги энг яхши натижа ҳисобланади.
Шунингдек, Италия терма жамоаси Манчини даврида тўртта ўйинда 4+ гол урди. Фақат Апелио Вичини даврида (1986—1991 йиллар) Италия терма жамоаси бундан яхши (5 та ўйин) натижа қайд этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)