Марказий банклар август ойида олтин сотиб олишдан кўра кўпроқ сотди, деб хабар бермоқда Spot Умумжаҳон олтин кенгаши (WGC) маълумотларига таяниб.
Шундай қилиб ҳар ой тўпланувчи олтиннинг бир ярим йиллик цикли якунланди. Олтин 2019 йил бошида 1500 доллардан бироз ошиб, август ойининг бошида рекорд даражагача — 2072,50 долларга кўтарилди, сўнгра тахминан 1900 долларга тушди.
Европа ва америкалик инвесторлар пандемия даврида кафил сифатида олтин ғамлаб олиб, унинг нархи кўтарилишига сабабчи бўлган. Аммо заргарлик буюмлари сотиб олувчилар ва марказий банклар каби бошқа йирик истеъмолчилар томонидан талаб заиф бўлган.
WGC маълумотларига кўра, умумий ҳисобда қиймати 2 триллион доллар бўлган тахминан 35 минг тонна олтинни сақловчи марказий банклар август ойида сотиб олинганидан 12,4 тонна кўпроқ олтин сотган. Ўзбекистон эса 31,7 тонна олтин сотган.
Олтиннинг Ўзбекистон иқтисодиётидаги ўрни ва аҳамияти
Аввал хабар берилганидек, олтин экспорти 2020 йил январь–август ойларидаги Ўзбекистон жами экспорт улушининг 50 фоизини ташкил этди. Пул эквивалентида мамлакат томонидан 2020 йилнинг 8 ойида сотилган олтин қиймати 5,8 миллиард долларга тенг бўлган. Бу кўрсаткич ўтган йилнинг мос даврига нисбатан 47,2 фоизга ёки 1,8 миллиард долларга кўп.
Беш йилдан буён Ўзбекистонда олтин экспорти ўсиб келмоқда. Масалан, олтин экспорти 2015 йилда 823,9 миллион долларни, 2016 йилда — 738,2 миллион долларни, 2017 йилда — 1,6 миллиард долларни, 2018 йилда эса 3,4 миллиард долларни, 2019 йилда эса 4,9 миллиард долларни ташкил этган.
Ўзбекистон 2020 йилнинг июль ойида олтин сотиш бўйича дунёда мутлақ етакчи бўлди. Мамлакат 11,6 тонна олтин сотди. Иккинчи ўринни Мўғулистон 6,1 тонна билан эгаллаган. Россия ва Германиянинг ҳар бири 0,5 тоннадан олтин экспорт қилган.
Эслатиб ўтамиз, сентябрь ойи бошларида Ўзбекистон олтин-валюта захиралари май ойидан буён биринчи бор қисқарди. Мамлакатнинг расмий захира активлари 1 сентябрь ҳолатига кўра, 34,6 миллиард долларни, халқаро захиралар — 33,8 миллиард долларни ташкил этди. Ўзбекистон ўз олтинларини фаол сотгани пандемия даврига тўғри келди. Капитал бозорини ривожлантириш агентлиги директори Отабек Назиров олтин-валюта захирасини сотиб, маблағларни мамлакат иқтисодиётини қутқаришга ва ишсизлар сони ортишининг олдини олишга йўналтириш мумкинлигини айтганди.
Изоҳ (0)