Нобель қўмитаси адабиёт бўйича 2020 йилдаги мукофот соҳиби номини эълон қилди. Мукофотга америкалик шоира Луиза Глюк муносиб деб топилди. Бу ҳақда Meduza хабар берди.
Мукофот «ўзининг ашаддий гўзаллиги билан индивидуал мавжудликни умумбашарий қиладиган, бехато таниладиган шеърий овоз учун» берилди.
2019 йилдаги маросимда Швеция академияси бирданига икки йил учун мукофот эгалари номларини эълон қилган — улар полшалик Ольга Токарчук ва австриялик Петер Хандке бўлган. 2018 йилда адабиёт бўйича мукофот топшириш ғолиблар ҳақидаги маълумотларнинг сизиб чиқиши билан боғлиқ можаро сабабли бекор қилинган.
Ослода 9 октябрь куни тинчлик учун Нобель мукофоти соҳибининг номи маълум қилинади. 12 октябрь куни эса иқтисодиёт йўналишида ким мукофотни қўлга киритгани маълум бўлади. Бунга қадар тиббиёт, физика ва кимё бўйича Нобель мукофотининг 2020 йилдаги соҳиблари номи маълум қилинганди.
Изоҳ (0)