Франция жанубидаги сув тошқинлари оқибатлари — суратларда
«Алекс» тўфони натижасида Франция жануби ва Италия шимолидаги туманлар кучли сув тошқинларига учради. Минглаб уйлар электр таъминотисиз қолган бўлса, ўнлаб одамлар бедарак йўқолди.
Француз метеорологларининг маълумотларига кўра, ҳудудда 10 соат давомида йиллик ёғингарчиликлар меъёрини кузатиш мумкин эди. «Денгизбўйи Алп ҳудудлари департаментида ишлаб шу вақтгача дуч келмаган офатни бошдан кечирдик», — дейди Ницца ҳокими Кристиан Эстрози.
Франция бош вазири Жан Кастекс жабрланганлар сони ва талафот кўламидан хавотирда эканлигини билдирди. Ўз навбатида, президент Эммануэль Макрон ўзининг Twitter саҳифасида жабрланганларга ҳамдардлик билдириб, қутқарув хизмати ходимларига ташаккур изҳор этган.
Изоҳ (0)