Давлат солиқ қўмитаси раиси Шерзод Кудбиев Кирилл Альтманнинг «Alter Ego» лойиҳасига берган интервьюсида солиқ органларини ислоҳ қилиш тўғрисида гапирди, дея хабар бермоқда Spot.
Унинг сўзларига кўра, қўмитанинг асосий вазифаси тадбиркорликнинг ёрдамчисига айланиш. Бунда биринчи навбатда, бизнесига ёрдам бериш, ишлашни осонлаштириш ва кўпроқ пул ишлашни таъминлаш ётади. Бундан кейинги вазифа эса солиқ ундириш ҳисобланади.
«Биз солиқ тўловчиларга нисбатан жуда адолатли ва зийрак бўлишимиз керак, аммо шу билан бирга белгиланган макроиқтисодий параметрларга риоя қилишимиз керак», – деди Шерзод Кудбиев.
Шунингдек, у туман солиқ инспекциясининг айрим ходимлари тадбиркорлардан олдиндан солиқ ундириши юзасидан муносабат билдирди.
«Бу мутлақо нотўғри иш. Бу нопрофессионалликдан келиб чиқади ва бу нарса қаттиқ жазоланади», – деди қўмита раиси.
Қудбиев солиқларни олдиндан тўлаш сўралган ҳолатлар мавжудлигини тан олди, аммо бу ҳамма туманларда ҳам мавжуд эмаслигини, айниқса, бу «юқоридан» келган буйруқ эмаслигини таъкидлади.
«Бу ҳолат жазоланади ва бунга йўл қўйилмайди. Афсуски, буларнинг барчаси ходимларда касбий маҳоратнинг етишмаслигидан келиб чиқади. Уларни айтганини қилиш керак эмас. Умуман олганда, биз солиқ идораси солиқ тўловчилар билан мутлақо алоқасиз, ҳатто телефон қўнғироқларисиз ишлашини таъминламоқчимиз», – деди Шерзод Кудбиев.
Унинг сўзларига кўра, ҳозирда бошланган солиқ маъмурияти ислоҳоти солиқ тўловчиларга тўғри хизмат кўрсатишга қаратилган. Бундан ташқари, бу жуда долзарб муаммо бўлганлиги сабабли, тез орада канал очилиши мумкин. Канал орқали юқорида қайд этилган ҳолат аниқланса чора кўриши учун қўмита раҳбариятига хабар бериш мумкин бўлади.
Изоҳ (0)