Наманган вилоятининг Мингбулоқ тумани далаларида пахта очилди. Бу ҳақда “Дарё” мухбири Азизбек Абдувалиев хабар бермоқда.
Фото: “Дарё” / Шохруҳ Кенжаев
Пахта очилган далалар тумандаги “Ойбек Диёр Турсунбоевичлар” фермер хўжалигига қарашли бўлиб, бу ерда ғўзанинг Хитой-52 нави экилган. Пахта учун ажратилган 37 гектар майдондан 50 центнердан ортиқ ҳосил йиғиштириб олиш кўзда тутилган.
Мутахассислар бу йил пахта одатдагидан эртароқ етилганини айтмоқда. Бунга ҳаво ҳарорати меъёрдагидан иссиқ бўлаётгани сабаб сифатида келтирилмоқда.
.jpg?_t=1752901084)
Маълумот учун, Наманган вилоятида етиштириладиган жами пахта ҳосилининг салмоқли улуши — 47 минг тоннаси айнан Мингбулоқ тумани ҳиссасига тўғри келади.
Изоҳ (0)