Кинофильмларнинг энг яхши фазилатларидан бири шундаки, улар бизни руҳлантиради ва ҳаётимизга чинакамига таъсир кўрсатади. Айниқса, таваккал қилишга, янги нарсаларни ўрганишга ва ҳеч қачон таслим бўлмасликка тайёр бўлган жасур қаҳрамонлар ҳақидаги ҳикоялар шулар жумласидандир. Қуйида кўтаринки кайфият учун энг сара фильмларни тўпладик. Ишончингиз комил бўлсинки, улар сизни кўп нарсаларга бошқа томондан қарашга мажбур қилади.
“Октябрь осмони”, 1999 йил
Гомер Х. Хикем - отасининг иродасига қарши ўлароқ ракета техникаси билан шуғулланишга қарор қилган кончининг ўғли. Оқибати нима бўлганини эса фильмни кўриб билиб оласиз.
“Ширин ноябрь”, 2001 йил
Ҳаётда ишдан бошқасини пайқамайдиган тиришқоқ эркак ва ҳамма нарсани бирданига қилишга одатланган қиз. Улар жиддий муносабатларни қидиришмаётган эди, лекин энди ҳамма нарса ўзгариши мумкин.
“Қалбимда эса рақсга тушяпман”, 2004 йил
Рори ногиронлар уйига борганида, у ерда деярли бутун умри давомида яшаган Майкл билан танишади. Кутилмаганда қаҳрамонлар ўртасида дўстлик пайдо бўлади, бу уларнинг ҳар бирининг тақдирини ўзгартириши мумкин.
“Муваффақият сари 10 қадам”, 2006 йил
Бўлажак ролга тайёргарлик кўраётган кекса актёр супермаркетда ёш ва қувноқ қизни учратади. Ва у ёрдам сўраб мурожаат қилишга мажбур бўлганида, улар ҳақиқий саргузаштни бошлайдилар.
“Токи ҳаёт эканмиз”, 2007 йил
Давоси йўқ касалга чалинган икки бемор касалхонадаги онкология бўлимидан қочиб кетишади ва ўлим олдидан амалга оширилиши керак бўлган истаклар рўйхати билан саёҳатга чиқишади.
“127 соат”, 2010 йил
Алпинист Моаб яқинидаги канёнда ёлғиз ўзи тош остида қолиб кетади. Тирик қолиш учун у умидсиз чораларни қўллайди.
“Хотиралар шаҳрига саёҳат”, 2014 йил
Тилданинг ота-онаси унинг севимли бобосини кучайиб бораётган Альцгеймер касаллиги туфайли қариялар уйига жойлаштирмоқчи бўлади. Бироқ, бу содир бўлишидан олдин, қизалоқ бобосини ўзи билан махсус саргузаштга олиб боради.
Изоҳ (0)