Ўзбекистон 2020 йилнинг 8 ойи давомида 11 та хорижий давлатга қиймати 11,5 миллион долларга тенг бўлган дори-дармон экспорт қилди. Бу ҳақда Давлат статистика қўмитаси хабар берди.
Маълум қилинишича, бу кўрсаткич 2019 йилнинг мос даврига нисбатан 8,5 миллион долларига ёки қарийб 4 бараварга ошган.
Давлат статистика қўмитаси маълумотларига кўра, ўтган 8 ой мобайнида Ўзбекистон дори-дармон маҳсулотларини энг кўп экспорт қилган давлатлар қаторидан қуйидагилар ўрин олган:
- Қирғизистон — 3,4 миллион доллар;
- Қозоғистон — 2,1 миллион доллар;
- Афғонистон — 1,5 миллион доллар;
- Туркманистон — 1,2 миллион доллар;
- Тожикистон — 1,1 миллион доллар;
- Туркия — 956,7 минг доллар.
Ўзбекистон дори-дармон маҳсулотларини энг кўп импорт қилган давлатлар қаторига қуйидагилар кирган:
- Ҳиндистон — 102,9 миллион доллар;
- Россия — 59,9 миллион доллар;
- Украина — 46,1 миллион доллар;
- Латвия — 46,0 миллион доллар;
- Хитой — 34,1 миллион доллар.
Изоҳ (0)