Ўзбек шоу-бизнеси вакилларининг аксарияти турли тадбиркорлик фаолияти билан ҳам шуғулланади. Қуйида таниқли хонанда, актрисаларнинг қандай бизнеслари борлиги ҳақида маълумот берамиз.
Озодбек Назарбеков
Ўзбекистон маданият вазири Озодбек Назарбеков 2019 йилда «Дарё»га берган интервьюсида кўпчилик унга тегишли деб ўйлайдиган бизнесларга аслида алоқаси йўқлиги ҳақида айтиб ўтган эди. Бироқ айрим кичик бизнеслари борлигини ҳам инкор қилмаган.
«Ўзим тепасида туриб юргизадиган биронта бизнесим йўқ. Шерикчилик асосида дўстларим ва яқинларим билан бизнеслар йўлга қўйилган. Улар ҳалол, пок иш юритишади ва менинг улушимни ўз вақтида етказишади», — деган эди Озодбек Назарбеков.
Райҳон
Хонанда Райҳон яқинда ўз брендига асос солди. У аёллар учун қулай ва замонавий кийимлар ишлаб чиқариб, сотишни йўлга қўйган.
«Миллион» кулги жамоаси
«Миллион» кулги жамоаси вакиллари ҳам кийим бизнеси билан шуғулланади. «Миллион» бренди остида сотувга чиқарилаётган кийимлар эркак ва аёлларга мўлжалланган.
Шоҳруҳхон
Хонанда Шоҳруҳхон ўз продюсерлик марказини очди. Марказ истеъдодли ёшларга ўз йўлини топишига кўмаклашади.
Асал Шодиева
Актриса Асал Шодиева ўз брендига эга. Унинг Мiel бренди аёллар ва болаларга кийим ишлаб чиқаради.
«Браво» кулги жамоси вакили Шаҳло Зоирова
Шаҳло Зоирова аёллар кийим-кечаклари дўконини очган.
Мадина Мумтоз
Хонанда ва актриса Мадина Мумтознинг оқшом ва келин либослари салони бор.
Шаҳзода
Хонанда Шаҳзода Inter media деб номланган продюсерлик компаниясига асос солган. Компания ёш хонандаларга шоу-бизнес оламида ўз йўлини топишига ёрдам беради.
Изоҳ (0)