So‘nggi yillarda o‘zbek shou-biznesining ko‘plab vakillari AQShga ko‘chib ketayotgani kuzatilmoqda. Quyida kimlar O‘zbekistondagi mashhurlikdan voz kechib, shtatlardagi muhojirlik hayotini tanlayotgani haqida so‘z yuritamiz.

Otabek Madrahimov

Foto: Instagram / @otabek_madrakhimov

90-yillarning oxirlarida “Kelinchak”, “Budur“ kabi qo‘shiqlari bilan millionlab muxlislar qalbini zabt etgan taniqli xonanda Otabek Madrahimov AQShga ko‘chib ketganiga 7 yil bo‘ldi. U hozirda oilasi bilan Filadelfiya shahrida yashaydi.

Gulchehra Eshonqulova

Foto: Instagram / @sharofsharapov

Foto: Instagram / @sharofsharapov

“Fotima va Zuhra”, “Shabnam”, “Panoh” kabi filmlardagi betakror obrazlari bilan tanilgan aktrisa Gulchehra Eshonqulova ham bir necha yildan beri AQShning Nyu-York shtatida yashaydi. Aktrisa turmush o‘rtog‘i Sharof Sharapov bilan ikki farzandni tarbiyalab kelmoqda.

Aktrisaning Instagram’dagi sahifasi bloklangani uchun, u turmush o‘rtog‘ining sahifasidan muxlislariga murojaat yo‘llab, karantindan keyin o‘zi ishtirokidagi 4 yil davomida suratga olingan film taqdimoti o‘tkazilishini ma’lum qildi.

Ulug‘bek Qodirov

Foto: “Darakchi”

“Fotima va Zuhra”, “O‘yin”, “Dada”, “Baron” kabi filmlarda bir-birini takrorlamaydigan obrazlar yaratgan aktyor Ulug‘bek Qodirov ham oilasi bilan AQShga ko‘chib ketgan.

“Setora” guruhi xonandasi Feruza Latipova

Foto: Instagram / @feruza_latipova

O‘zbek estradasi tarixidagi eng muvaffaqiyatli guruh xonandasi Feruza Latipova AQShning Pensilvaniya shtatida istiqomat qiladi. Feruza Amerikadagi o‘zbeklarning to‘ylari va turli oilaviy tadbirlarida qo‘shiq kuylaydi.

Sherzod Bin

Foto: Instagram / @sherzodbin_

Taniqli aktyor va parodist Sherzod Bin (Saydialiyev) hozirgi kunda AQShning Pensilvaniya shtati Holland shahrida yashaydi. U shtatlarda o‘zbek taomlari restoranini ochgan.

Sobirjon Mo‘minov

Foto: Instagram / @sobirjon_muminov

O‘zbekistonda xizmat ko‘rsatgan artist Sobirjon Mo‘minov oilasi bilan AQShning Nyu-York shahrida yashaydi. Xonanda o‘zbek to‘ylari va turli madaniy tadbirlarda ishtirok etadi.

Ahmad Berdimurodov

Foto: Instagram / @akhmad_bek

“Shaytanat” serialidagi Jamshid obrazi bilan elga tanilgan aktyor Ahmad Berdimurodov AQShning Kaliforniya shtatida yashaydi. Aktyor, shuningdek, “Panoh”, “Sevginator”, “Qalbim o‘g‘risi” kabi filmlarda ham esda qolarli obrazlarni gavdalantirgan.

Nigina Nabiyeva

Foto: Instagram / @niginanabieva_

Foto: Instagram / @niginanabieva_

“Olmali aymoqcha” qo‘shig‘i bilan tanilgan Nigina Nabiyeva oilasi bilan AQShning Tennessi shtatida yashaydi. Nigina nafaqat xonanda, balki o‘zbek estradasidagi ko‘plab xit taronalar muallifi hamdir. Hozirda u ikki farzandining tarbiyasi bilan mashg‘ul.

Gulnora Qosimova

Foto: Instagram / @gulnorakosimova

Foto: Instagram / @gulnorakosimova

“Qaytar dunyo” seriali, “Notanish”, “Iblis devori”, “Mening akam bo‘ydoq” filmlarida turli obrazlarni mahorat bilan gavdalantirgan aktrisa Gulnora Qosimova bir necha yillardan beri AQShda yashaydi. Aktrisa hozirda ikki o‘g‘il farzandni tarbiyalamoqda.

Abduvohid G‘aniyev

Foto: Instagram / @abduvohid_ganiyev

“Poyga”, “Taqdirlar”, “Sevginator”, “Dada”, “O‘zimdan o‘zimgacha”  kabi filmlar rejissori Abduvohid G‘aniyev ham AQShga ko‘chib ketgan.

Ravshan Hakimov

Foto: Instagram / @ravshantvm_khakimov

Taniqli boshlovchi Ravshan Hakimov AQShning Filadelfiya shahrida yashaydi.

Sohib Abbosxon

Foto: Instagram / @sohib_abbosxon

“Zanjir”, “Nahotki sen”, “Ajal so‘qmog‘i” kabi bir qancha film va seriallardagi bosh rollari bilan mashhurlikka erishgan aktyor va rejissor Sohib Abbosxon ham AQShda yashaydi. U shtatlarda biznes bilan shug‘ullanadi.

Shaxriyor 

Foto: Instagram / @shaxriyorreal

Reper Shaxriyor ham bir necha yildan beri AQShda yashab kelmoqda.