Ota va onasining san’atdagi faoliyatini munosib ravishda davom ettirayotgan o‘zbek shou-biznesi vakillari haqida so‘z yuritamiz.

Foto: Instagram / @ravshankomilov

O‘zbekistonda xizmat ko‘rsatgan artist Ravshan Komilovning o‘g‘li Farruh otasi izidan borib san’at yo‘lini tanlagan. Uning “Har taraf” deb nomlangan ilk qo‘shig‘i Farruhga muvaffaqiyat olib kelgan.

Foto: Instagram / @javlonolimov

Yosh xonanda Javlon Olimov 90-yillarning xit qo‘shiqlari muallifi, xushovoz xonanda Avaz Olimovning o‘g‘li.

Foto: Instagram / @nilufarusmonova

O‘zbekiston xalq artisti Yulduz Usmonovaning yakka-yu yagona farzandi Nilufar Usmonova mutaxassisligi bo‘yicha huquqshunos. Biroq u hozirda onasining izidan borib, san’at sohasida faoliyat yuritmoqda.

Foto: Instagram / @islomfarmonov

O‘zbekistonda xizmat ko‘rsatgan artist Ilhom Farmonovning o‘g‘li Islom ham ota kasbini davom ettirib, qo‘shiqlar kuylamoqda.

Foto: Instagram / @muqaddas_sadullayeva

Taniqli aktyorlar Gulchehra va Lutfulla Sa’dullayevlarning kenja farzandi Muqaddas ularning yo‘lini tanlagan. Muqaddas kinodagi faoliyatini kliplarda suratga tushishdan boshlagan.

Foto: Instagram / @muqaddasxoliqova

O‘zbekiston xalq artisti Muqaddas Holiqovaning qizi Zebuniso ham onasi bilan birgalikda O‘zbek milliy akademik drama teatrida aktrisa sifatida faoliyat yuritadi. U bir necha filmlarda ham turli obrazlarni gavdalantirgan.

Foto: Instagram / @azizrajabiy

Xushovoz xonanda Aziz Rajabiy mashhur sulolaning munosib davomchisi ekanligi hech kimga sir emas. Uning bobosi Yunus Rajabiy, otasi Hasan Rajabiylar o‘zbek san’ati rivojiga sezilarli hissa qo‘shgan san’atkorlardir.

Foto: Instagram / @madinamumtoz

O‘zbekistonda xizmat ko‘rsatgan artist Ra’no Yarashevaning qizi Madina Mumtoz ham onasi izidan borganlardan. U san’atdagi faoliyatini xonandalikdan boshlagan. Keyinchalik esa bir necha klip va filmlarda suratga tushgan.

Foto: Instagram / @ulug‘bekotajonov

O‘zbekiston xalq artisti Ortiq Otajonovning farzandi Ulug‘bek Otajonov ota kasbining munosib davomchisi.

Foto: “Fattohhon.com”

Aktyor Aziz Rametov taniqli aktyorlar Saida va Jumadulla Rametovlarning kenja farzandi.

Foto: Instagram / @gavharzokirova

Zokirovlar sulolasi vakillari Gavhar va Jamshid Zokirovlarning farzandi Javohir Zokirov bugungi kunda el suygan san’atkor.

Foto: “Darakchi”

Iste’dodli aktyor va rejissor Alisher Uzoqov taniqli aktyorlar Shohida va Muhammadjon Uzoqovlarning farzandi.

Foto: “Sahro.net”

Taniqli aktrisa Zarina Nizomiddinova O‘zbekistonda xizmat ko‘rsatgan artist, “Yalla” guruhining ilk xonandalaridan biri Shahboz Nizomiddinovning qizi ekanligini ko‘pchilik bilmasa kerak. San’atkorning farzandlari orasidan faqat Zarina ota kasbini tanlagan.

Foto: Instagram / @sanjarkhalikov

O‘zbekistonda xizmat ko‘rsatgan artist Rashid Holiqovning to‘ng‘ich farzandi Sanjar otasining izidan borib, xonanda bo‘ldi.

Foto: Instagram / @rayhonganiyeva

Rayhon G‘aniyevaning o‘zbek kinosining asoschilaridan biri Nabi G‘aniyevning avlodidan. Uning ota-onasi Otabek G‘aniyev va Tamara Shokirovalar taniqli aktyorlar edi.

Foto: Instagram / @boburyuldash

Rejissor Bahodir Yo‘ldoshev va aktrisa Rimma Ahmedovalarning o‘g‘li Bobur Yo‘ldoshev bugungi kunda san’atkorlarning kasbini munosib ravishda davom ettirmoqda.

Foto: MyDay

O‘zbekiston xalq artisti Sherali Jo‘rayevning ikki o‘g‘li Shohjahon va Zohirshohlar ota kasbini tanlagan. Ularning har biri bugungi kunda mashhur san’atkor.