Касаллиги айтилган Ҳалима Ибрагимова шифохонадан кислород ниқобида кўриниш берди (видео)

Шоу-бизнес вакиллари касал эканлигини айтиб, шифо тилаган комик актриса Ҳалима Ибрагимова касалхонадан кислород ниқоби таққан ҳолда кўриниш берди.

«Оллоҳ буюкдир. Мен кучлиман. Яратган эгамга ҳамду сано», — дея изоҳлади Ҳалима ўз саҳифасида эълон қилган қисқа видеони. У қандай касалликка чалинганига аниқлик киритмаган. Ижтимоий тармоқларда унинг коронавирус билан касаллангани ҳақида гап-сўзлар тарқалди.

https://www.instagram.com/p/CF8h4nMBwOX/

Аввалроқ Ўзбекистон халқ артисти Юлдуз Усмонова қизи Нилуфар билан Ҳалимага соғайиб кетишини тилаган эди.

«Ҳалимажон, сени яхши кўрамиз. Дуодамиз, яхши бўлиб қолгин. Чиқиб олгин ўзим юргизаман сени, энди юришинг керак. Касал бўлишга ҳаққинг йўқ, қанча одам яхши кўради сени», — деган эди Юлдуз Усмонова.

https://www.instagram.com/p/CF1XV_chG0p/

Кейинроқ «Браво» кулги жамоаси вакили Шаҳло Зоирова ҳам Ҳалима билан тушган видеосини эълон қилиб, унга саломатлик тилади.

https://www.instagram.com/p/CF6TNHhlHKc/