Статистика маълумотига қараганда, исталган одам харажатларининг асосий қисмини егулик ва озиқ-овқатларга кетган маблағ ташкил қилади. Юлдузларни-ку гапирмаса ҳам бўлаверади. Улар орасида ким озиқ-овқатга энг кўп пул сарфлаши ҳақида маълумот бериб ўтамиз.
Жастин Бибер
E! News’нинг ҳисоб-китобига кўра, қўшиқчи кинотеатрда тамадди қилишнинг ўзига тахминан 241 доллар сарфлайди. Унинг ўзи севимли Мексика fast-food’ининг буюртмасига шунча пул сарфлашини маълум қилган. Бу ҳали ҳаммаси эмас, Хитой таоми учун 10 минг доллар сарфлаган вақти ҳам бўлган. Унда Жастин дўстларини, товуқ кабоб ва хитойча усулда пиширилган лапша билан меҳмон қилган.
Мерайя Кери
Миш-мишларга қараганда, хонанда кунига уч марта Норвегия лососини истеъмол қилади. Американинг Vanity Fair журнали Мерайя билан бир неча кунни бирга ўтказиб, унинг рационига қанча пул сарфланишини баҳолашга муваффақ бўлган. Нонушта, тушлик ва кечки овқат уйда тайёрланиши ҳисобига хонанда уйда тайёрланадиган таомлари учун кунига 30 доллар, йилига 11 минг доллар сарфлаши маълум бўлган. Лекин у кечки овқатни яхши ресторанларда тановул қилишни хуш кўради ва Ғарбий Голливуддаги рестораннинг севимли мижозларидан бири ҳисобланади. У ерда ўртача 200-250 доллар сарфлаб овқатланади.
Эмбер Херд
Эмбернинг егуликларга сарфлайдиган маблағи ҳақида у томонидан Жонни Деппга қарши судга тақдим қилинган ҳужжатлар орқали маълумотга эга бўлинган. Entertainment Tonight’нинг маълумотига қараганда Херд, озиқ-овқат маҳсулотларини харид қилишга ойига 2 минг доллар ва кўчада овқатланишга яна шунча маблағ сарфлайди.
Бритни Спирс
Бир неча йил аввал Бритни кўчада овқатланиш учун ойига 5 минг доллар сарфлаган. Ҳозир эса асосий вақтини уйида ўтказади ва маҳсулотлар учун ойига 4 минг доллар харажат қилади.
Бейонсе
Бейонсе тўғри овқатланишга риоя қилади ва парҳезшуносига ойига 4 минг, ошпазига эса 7 минг доллар тўлайди.
Женнифер Энистон
Женнифер ойига 2700 долларга машҳур парҳезшуносдан таом буюртма қилади. 51 яшар бўлишига қарамай қадди-қомати ўзгармаган юлдузга қараб, бу уринишлар бежиз эмаслигига амин бўлса бўлади.
Кайли Женнер
Кардашьян-Женнерлар оиласининг энг кичик ва энг бадавлат вакили, кафе ва ресторанлардан таом буюртма қилиш учун йилига 10 минг доллар сарфлаган. Бу маблағ дўкон ва супермаркетлардаги харид ва ресторанлардаги овқатланишга кетган пулни ўз ичига олмайди.
Изоҳ (0)