Она бўлишни истамаётган Ханде Эрчел, тугатилиши ёки давом эттирилиши номаълум бўлган «Беқарор». Турк киноси янгиликлари

Турк сериаллари ва ундаги роллари билан машҳурликка эришган юлдузлар ҳаёти ва ижоди билан боғлиқ сўнгги янгиликларни эътиборингизга ҳавола этишда давом этамиз.

Мухлислар яқин орада «Садоқатсиз» фильми орқали севимли актрисалари Жансу Жерени кўриш имкониятига эга бўлади. Актрисанинг ўзи томошабинларнинг мазкур лойиҳага қизиқиш билдираётганидан хурсанд эканини таъкидлаган ҳолда унинг ҳаётида ҳам ёлғон ва сотқинлик кузатилгани, аммо у қаҳрамони сингари реакция билдирмаганини қўшимча қилган.

«Яхши ва ёмон кунда» сериалининг суратга олиш жараёнидан эълон қилинган янги суратда бош қаҳрамонларни биргаликда кўриш мумкин.

«Агентимга қўнғироқ қилинг» сериалининг сценарий муаллифи Элда Эроғлу лойиҳани тарк этган, унинг ўрнига сценарийни Экин Аталай ёзиши маълум қилинган.

Али Эрсан Дуру «Эшигимни қоқ» сериалининг суратга олиш жараёнига қўшилади. У 13-қисмдан бошлаб Эфе Акман исмли қаҳрамонни гавдалантиради. Аввалроқ лойиҳага Памир Пекин қўшилиши ҳақида хабар берилганди, лекин томонлар келиша олмагани сабаб режаларга ўзгартириш киритилган.

Улаш Туна Астепе «Барбарос» сериалининг суратга олиш жараёнларида иштирок этиш учун шартнома имзолаган.

Серенай Сарикаядан нима учун Дениз Булуцуз унинг обуначилар рўйхатидан чиқиб кетгани ҳақида сўралганида актриса ажабланган ва бу саволга жавоб бермаган. Серенайнинг кўзойнак билан яратган образи папарацци нишонидан четда қолмаган.

Marie Claire журналининг октябрь сони муқоваси Ханде Эрчелнинг сурати билан безалган. Актриса берган интервьюсида жияни Мави оиласи учун тақдир туҳфаси экани, у авваллари ҳам оиласини яхши кўргани, лекин Мавининг дунёга келиши уни опаси билан янада яқин муносабатда бўлишига сабабчи бўлганини таъкидлаган. Она бўлиш билан боғлиқ берилган саволга Ханде бундай режаси йўқлигини билдирган.

«Жаноб хато» сериалининг финалидан кейин бошқа лойиҳаларнинг ҳам тугатилиши ва улар орасида «Беқарор» борлиги ҳақида миш-миш тарқалган.

Сериал продюссери Бану Аксениз эса бунга жавобан Twitter саҳифасида лойиҳа тугатилмаётгани, фильм ижодкорларининг ҳали томошабинларга айтар сўзи борлигини ёзиб қолдирган.

Жан Яман Италияга жўнаб кетган, у ТV5 каналидаги телешоулардан бирининг меҳмони бўлган. Жан машҳур режиссёр Ферзан Ўзпетек билан суҳбатлашган.