Деярли барча катта клублар мунтазам равишда истиқболли ёшларни ўз сафига қўшиб келади. Бунга яққол мисол, бир неча кун олдин «Барселона» «Аякс» ҳимоячиси Сержиньо Дест учун курашда «Бавария»ни енгиб, уни ўз сафига қўшиб олганидир. Скаутлар доимий равишда юлдузга айланиши мумкин бўлган ёш истеъдодларни излаш билан овора. Мана шундай иқтидор топилганида эса клублар (катта) таваккалга қўл уриб, жиддий маблағлардан воз кечади. Демак, қуйида энг қиммат вундеркиндлар ҳақида фикр юритилади.
Фабиу Сильва (18 ёш; 40 миллион евро)
20 ёшга келиб, Винисиус «Реал» таркибида 70 та ўйин ўтказишга улгурди. Бу «Тоттенҳэм»га кетган «қироллик клуби» тарбияланувчиси Серхио Регилондан кўпроқ эди. Бироқ бразилиялик футболчи ҳали ҳам асосий таркибдан жой ололмаяпти. Зинедин Зидан ҳар доим ҳам унга асосий таркибда ишонч билдиравермайди. Яна шуни унутмаслик керакки, Винисиусда жуда кучли рақобатчига эга, мазкур позициясида кўп жароҳат олишига қарамай, Марко Асенсио асосий футболчи ҳисобланади. Бироқ бу унда имконият йўқ дегани эмас, барчаси фақат Винисиуснинг ўзигагина боғлиқ.
Родригонинг «Реал»даги дебют мавсуми ёмон ўтмади. У Галактикос таркибида барча мусобақаларда 26 та ўйин ўтказиб, 7 та гол урди ва 3 та голли узатмани амалга оширди. Ҳозиргача футболчининг энг яхши ўйини – Чемпионлар Лигасидаги «Галатасарой»га қарши баҳс бўлиб, Родриго унда ҳет-трик ва ассист қайд этган. Ҳозирча Родриго жуда кўп ўйнамаяпти, аммо Лукас Васкес кетиши билан вазият ўзгариши мумкин. Васкес бразилиялик учун ўнг қанот вингери сифатида ягона рақобатчи. Клубнинг янги футболчи сотиб олмаганини инобатга олиб, агар жорий мавсумда Родриго Лукасдан устунлигини исботласа, узоқ вақтгача ушбу позицияни ўзиники қилиши мумкин.
2014/15 йилги мавсумда Марсьяль «Монако»да самарали мавсум ўтказди. Ўшанда 19 ёшли ҳужумчи француз клуби сафида 48 та ўйинда 12 та гол урган ва 5 та голли узатма берганди. Шундан сўнг унга «Манчестер Юнайтед» эътибор қаратиб, ўша мавсумнинг охиридаёқ футболчини Манчестерга таклиф этди. «Монако» эса Марсьялнинг трансферидан яхшигина пул ишлаб олди. Клуб Марсьялни «Лион»дан 5 миллион еврога сотиб олиб, 2 йилдан сўнг 60 миллионга пуллади.
Туманли Албиондаги биринчи мавсумидаёқ Марсьяль 11 та гол урди ва 5 та голли узатма берди. Аммо кейинчалик французнинг кўрсаткичлари пасайиб кетаверди. Фақат ўтган мавсумга келибгина футболчи жонлана бошлади – форвард АПЛнинг 32 ўйинида 17 гол ва 7 голли узатмага муаллифлик қилди. Марсьялдан бу мавсум ҳам барқарор ўйин кутилмоқда.
Маттейс де Лигт (19 ёш, 85 миллион евро)
2019 йилнинг июль ойида «Ювентус» 19 ёшли ҳимоячи учун «Аякс»га 85 миллион евро тўлади. Бир ой ўтгач, де Лигт 20 ёшга тўлганида, аллақачон А Серияда ўйнаётган эди. Клублар одатда бундай суммани фақат алоҳида натижа кўрсатган ва юлдуз ўйинчиларга сарфларди. Шунинг учун нидерландияликнинг Турин клубига ўтиши кўпчиликнинг эътирозларига сабаб бўлди. Шу билан бирга «кекса синьора»нинг қарорини хато деб аташ ҳам мушкул эди. Боиси 19 ёшда бўлишига қарамай, де Лигт «Аякс» таркибида 117 учрашув ўтказган ва жамоа сардори эди. Туринда у Жоржио Кьеллининин ўрнини эгаллаши керак эди.
Де Лигт дарҳол «Ювентус»нинг асосий ўйинчисига айланди, чунки бу вақтга келиб, Кьеллини жиддий жароҳат олган ва узоқ муддатга сафдан чиққанди. Дастлабки бир неча ой де Лигт учун қийин бўлди. Ёш ҳимоячи мунтазам равишда хатоларга йўл қўяр, мухлислар ва ОАВ томонидан аёвсиз танқидларга учрарди. Ўша пайтдаги «Ювентус» устози Маурицио Сарри агар Кьеллини сафда бўлса, де Лигтнинг ҳар бир ўйинда майдонга тушмаслигини очиқ айтганди. Аммо вақт ўтиши йигитча ўзига кела бошлади, мавсум охирига бориб эса унинг жароҳат олгани жамоа учун катта йўқотиш деб баҳоланди.
Жоау Феликс (19 ёш, 126 миллион евро)
Феликснинг «Атлетико»га ўтиши ҳатто Антуан Гризманнинг клубдан кетиш мавзусини ҳам ёпиб юборганди. «Матрасчилар» «Бенфика»нинг асосий таркибида атиги 1 мавсум ўтказган 19 ёшли ҳужумчи учун 126 миллион евро тўлади. Ёш футболчи Португалия клуби таркибида чиндан ҳам ажойиб ўйин кўрсатганди. 2018/19 йилги мавсумда форвард Лиссабон клуби таркибида 43 ўйин ўтказиб, 20 та гол ва 11 та голли пасга муаллифлик қилганди. Айнан шу сабаб у «Атлетико» диққатини ўзига торта олганди.
Аммо Феликс учун Мадриддаги биринчи мавсумни муваффақиятли деб бўлмайди. Биринчидан, унга «матрасчилар» ўйинига қўшилиш қийин кечди. Иккинчидан, уни доимо жароҳатлар таъқиб қилди. Натижада Феликс бутун мавсум давомида 36 ўйинда атиги 9 та гол урди, бу марказий форвард учун яхши кўрсаткич ҳисобланмайди. Ёш ҳужумчи 2020/21 йилги мавсумда Луис Суарес билан тандемда яхшироқ ҳаракат қилиши кутилмоқда. Ўтган йилги муваффақиятсизлик эса футболчи учун қўшимча мотивация бўлиб хизмат қилади.
Килиан Мбаппе (18 ёш,145 миллион евро)
ПСЖ шов-шувли трансферларни амалга оширишни яхши кўради. Неймар учун рекорд даражадаги 222 миллион евро сарфлаганидан бир йил ўтиб, парижликлар 18 ёшли ҳужумчи учун «Монако»га 145 миллион евро тўлади.
ПСЖнинг ёш французга қизиқиши табиий ҳол эди. Чунки Мбаппе бунгача ўзини Лига 1 ва Еврокубокларда фақат яхши тарафдан намойиш этиб келаётган эди. Ёш ҳужумчи мунтазам равишда Франция чемпионатида гол уриб, «Монако»га Чемпионлар Лигасида «Бавария» ва «Манчестер Сити» каби номдор жамоаларни мағлуб этишга ёрдам бериб келаётганди.
Мбаппени сотиб олиш тўлалигича ўзини оқлади. Биринчи мавсумдаёқ Килиан барча мусобақаларда 39 бор рақиблар дарвозасини ишғол этишга муваффақ бўлди. Форвард миллий лиганинг деярли барча ўйинларида гол урди, Чемпионлар Лигасида ҳам мунтазам равишда голлари билан жамоага ёрдам бериб келди. 2 мавсум давомида ҳужумчи парижликлар сафида умумий ҳисобда 91 та гол урди ва 51 та голли пас берди. Мбаппе ҳозир ўз жамоасининг энг яхши тўпурари ва кўплаб клубларнинг орзуси ҳисобланади. Ҳозирча ПСЖ Мбаппени амал-тақал қилиб ўз таркибида ушлаб турибди. Аммо Килиан эртами, кечми барибир нафақат ПСЖни, балки Францияни ҳам тарк этади. Уни ҳозир Мадридда интизорлик билан кутишмоқда.
Бошқа мақолалар:
- Узоқ кутилган қирол — Роберт Левандовски ҳақида
- Италянча ош. Элдор Шомуродов ва «Женоа» ҳақида
- Петр Чехни ҳайратда қолдирган ва 6 йил аввал ишсиз юрган «Челси»нинг янги дарвозабони Эдуард Менди ҳақида
- Азарнинг жароҳатлари, Каземирога ўринбосар йўқлиги ва икки йилдан бери таниб бўлмаётган Иско. Зидан жорий мавсумда ҳал қилиши керак бўлган бешта муаммо
- Пеле, Марадона, Зидан ва «ўзга сайёраликлар». Футбол тарихидаги энг яхши ўйинчилар ҳақида
Изоҳ (0)