«Жасур инглиз атиргули» номини олган Кейт Уинслет 45 ёшга тўлди. Актриса ҳақида кўпчилик билмаган маълумотлар (фото)

«Оскар» мукофотига рекорд даражада кўп номзод бўлган, замонамизнинг энг истеъдодли актрисаларидан бири Кейт Уинслет, 5 октябрь куни 45 ёшга тўлди. Мухлислар учун «Титаник» фильмидаги Роуз роли билан севимли бўлган актриса ҳақида маълумотлар билан бўлишамиз.

Ёшлигида «инглиз атиргули» деб аталган Кейт, 1975 йилда Буюк Британиянинг Рединг шаҳрида дунёга келган. Буви ва бувасини 60 кишига мўлжалланган театри бўлган ва у ерда улғайган Уинслет, келажакда актриса билишини аниқ билган. Биографиясида унинг илк бор 12 ёшда экранда пайдо бўлгани ва реклама учун суратга тушгани таъкидланади.

У аввалдан тўладан келган бўлган ва карьераси учун 19 ёшида 45 килога озган. Фақат олма ва ёрма истеъмол қилган Кейт саломатлиги парҳез сабаб ёмонлаша бошлайди. Хотираси ёмонлашади, сочи тўкилади ва тез-тез ҳушини йўқотади. Бир сафар рулда ҳушини йўқотади ва ўлимдан қолади, шундан кейин ўзини борича қабул қилиш кераклигини тушуниб етади.

Кейт бодипозитивнинг тарғиботчиларидан саналади. У суратларини фотошопда ўзгартирилишига очиқчасига қаршилик қилади, бир маротаба GQ журналини ўзининг суратини сезиларли даражада озғинлаштирганликда айблаган. 7 йил аввал Vogue таҳририяти аъзолари актриса юзидаги ажинларни йўқ қилгани сабаб боши балога қолган. Учинчи фарзандини дунёга келтиргандан кейин қандай қилиб қоматини яхшимоқчи экани ҳақида савол берилганда Кейт, унинг мақсади қорнини кетказиш эмас фарзандларини олдида бўлиш эканини таъкидлаган.

«Самовий мавжудотлар» драмасида рол ижро қилган вақти 19 ёшда бўлган актриса мазкур роли сабаб Венецияда «кумуш шер» мукофотига лойиқ деб топилган. 20 ёшида «Ақл ва сезги» фильмидаги ижроси сабаб эса Оскар мукофотига номзод бўлган. «The reader» фильмидаги ижроси сабаб эса Оскар мукофотини қўлга киритган.

Актриса Леонардо Ди Каприо билан яхши дўстона муносабатда, актёр Оскарга лойиқ топилганида Кейт хурсандлигидан кўз ёшини тия олмаган.

https://www.youtube.com/watch?v=Bm4EjfZTOp8

Актёрлар 1996 йил Канн кинофестивалида танишган, лекин 1997 йилда «Титаник» фильмининг суратга олиниш жараёнида дўстлашган. Улар ўртасида «бир гап бор» дейдиганларга нисбатан актёр ва актриса шунчаки қалин дўст эканини таъкидлайди, Уинслетнинг болалари актёрни Лео амаки деб чақиради.

2008 йилда, собиқ турмуш ўртоғи томонидан суратга олинган «Ўзгаришлар йўли» фильмида Кейт, Лео билан бирга суратга тушган. Суратга олиш жараёнлари якунланганидан кейин Ди Каприо, фақатгина Кейтга маълум бўлган ёзув ўйиб туширилган тилла узук совға қилган. Кейтнинг, Мендес билан турмушига эса нуқта қўйилган.

Кейт учинчи марта Нед Рокнроллга турмушга чиққан. 2013 йилда актрисанинг турмуш ўртоғи 90 ёшли қайнонасини ёнғиндан қутқариб қолгани учун рафиқасига космосга йўлланма совға қилган. Актрисанинг уч нафар фарзанди бор ва каттасининг ёши йигирмада.

Кейтнинг қўшиқ куйлашга ҳам қобилияти йўқ эмас ва баъзи танқидчилар уни фаришта овозига эга деб атайди. У «Рождество ҳикояси» мультфильмига What if? номли саундтрек куйлаган. Баҳорда премьераси бўлиши керак бўлган актриса ижросида «Ammonit» фильминг тақдимоти пандемия сабаб қолдирилган.

Шунингдек у Жеймс Кемероннинг «Аватар-2» фильмида суратга тушади. Бу режиссёр ва актриса ҳамкорлигидаги «Титаник»дан кейинги иккинчи лойиҳа. Фильмда Ронал исмли қаҳрамонни гавдалантириш учун актриса фридайвинг (сув остида нафас олмай туриш) ни ўрганишига тўғри келган. Энди у 7 дақиқа сув остида нафас олмай тура олади. Кейт оиласи билан бирга денгиз бўйида жойлашган уйда яшайди.

«21 ёшингда 36 га киришга оз қолди, уёғига 40 гача ҳеч қанча қолмайди, деб ўйлайди одам. Мен бу ёшни босиб ўтдим ва менга аксинча кўринишим жуда ҳам ёқади. Инсон шунчаки ўзини ажинлари билан бирга яхши кўриши керак», дейди актриса.