«Дадасининг қизлари» сериалининг сўнгги қисми 2013 йилда тақдим қилинганига қарамай, томошабинларнинг қизиқиши ҳали ҳамон сўнмаган. Ундаги актрисалар аллақачон улғайган бўлса ҳам мухлислар хотирасида дадасига эркалик қиладиган, ўзига яраша феъл-атворга эга қизлар сифатида қолади.
Мирослава Карпович
Опа сингилларнинг энг каттаси Маша ролини ижро қилган вақтида Мирослава 21 ёшда бўлган. У қувноқ, ҳамма билан чиқишиб кетадиган, ўзига хос кийиш услубига эга қиз ролини ўйнаган.
6 йил давом этган суратга олиш жараёнида Маша сочининг ранги бир неча марта ўзгарган, аммо у мухлислар ёдида табассуми ўзига ярашган қаҳрамон сифатида қолган.
Мирославанинг ҳозирги суратларига қараб уни таниш қийин, чунки у гўзаллик муолажаларига муккасидан кетган: юз шаклини ўзгартирган ва лабларини катталаштирган. Айни вақтда 34 ёшда бўлган актриса Павел Прилучний билан учрашади.
Елизавета Aрзамасова
Сериалда Галина Сергеевна ролини ижро қилган вақтда Елизавета 12 ёшда бўлган. Унинг қаҳрамони фикрлаши ёшига нисбатан катталардек бўлган, ўқимишли, сочини ўриб юрадиган қиз бўлган.
2013 йилда суратга олиш жараёнлари якунланган ва актрисанинг кўриниши ва соч турмаги ҳам ўзгарган.
Ўтган йиллар давомида макияж ва кийиниш борасида ўзлигини топган 25 яшар Елизавета айни вақтда 46 ёшли спортчи Илья Авербух билан муносабатда экани маълум бўлган.
Екатерина Старшова
4 яшарлигида карьерасини бошлаган Екатерина сериалнинг суратга олиш жараёнида 5 ёш бўлган.
Оиланинг эркатойи, гаплари бурро-бурро бўлган Пуговка томошабинлар қалбидан жой олган.
Айни вақтда 18 ёшда бўлган Елизавета актёрлик фаолиятини давом эттирмасликка қарор қилган.
Даря Мельникова
Сериалда Даря шаддод қиз Женя ролини гавдалантирган. Женя, асосан, спорт услубида кийинишни ёқтирадиган, калта сочли қиз сифатида мухлислар хотирасида қолган.
Сериалнинг суратга олиш жараёнлари якунланиши арафасида Женянинг услуби бироз ўзгарган ва сўнгги қисмларда сочлари узун ва бироз макияж қилган ҳолда намоён бўлган.
Аслида Дарянинг сериалдаги образи унга яқин ҳисобланади. У кенг ва қулай кийинишни, ортиқча макияж қилмасликни афзал билади. Айни вақтда 28 ёшда бўлган актриса театрда ҳам роль ижро этади ва аллақачон она бўлишга улгурган.
Анастасия Сиваева
Актриса сериалда доим қора кийиниб юрадиган, шунга яраша макияж қиладиган Даша ролини ижро қилган.
Сўнгги қисмларда унинг услуби ҳам бироз ўзгарган: сочи табиий тўқ қаҳва рангли, либослар ҳам ёрқин кийимлардан иборат бўлган. Айни вақтда 28 ёшда бўлган актрисани онда-сонда телеэкранда кўриб туриш мумкин.
У шахсий ҳаётини достон қилишни истамайди. Ҳаётдаги образи Дашаникидан фарқ қилади: у макияж ва соч борасида табиийликни хуш кўради.
Изоҳ (0)