Forbes журнали энг кўп ҳақ тўланган актрисаларнинг навбатдаги рейтингини эълон қилди. 2019 йилда иккинчи ўринни эгаллаган София Вергара бу йилги рўйхатда етакчилик қилган, деб ёзади Esquire.
Маълум қилинишича, комедия жанрида суратга олинган «Замонавий оила» сериалида суратга тушган актрисанинг даромади 43 миллион долларни ташкил қилади. Wallmart компанияси учун жинсилар ишлаб чиқаришни бошлаган Вергара Rooms To Go мебеллар дўкони билан ҳам ҳамкорлик қилади.
Асосий даромадини Marvel томонидан суратга олинган «Қизил хабар» фильмидаги роли сабаб қўлга киритган Анжелина Жоли эса 35,5 миллион доллар билан иккинчи ўринга лойиқ деб топилган.
Даромадининг катта қисмини стриминг сервис билан ҳамкорлик асосида ишлаб топган «Мўъжиза аёллар» юлдузи Галь Гадот эса 31,5 миллион доллар даромад билан рўйхатда учинчи бўлган.
Актриса Мелисса Маккарти 25 миллион доллар билан тўртинчи, Мерил Стрип эса ундан бир миллион кам даромад билан бешинчи бўлган. 22,5 миллион долларга эга бўлган Эмили Блант олтинчиликни, Николь Кидман эса ундан ярим миллион кам маблағ билан еттинчиликни эгаллаган. Эллен Помпео 19 миллион даромади сабаб саккизинчи ўринга, Элизабет Мосс эса 16 миллион доллар билан тўққизинчи ўринга лойиқ деб топилган. 15,5 миллион доллар ҳақ тўланган Виола Дэвис рўйхат ўнталигига якун ясаган.
Қайд қилинишича, рейтингдан ўрин олган барча актрисалар олдинги йилдаги етакчилардан 20 фоизга кам — 254 миллион доллар ишлаб топган. Қолаверса, Анжелина Жоли ва Эмили Блантдан бошқа актрисалар даромадининг катта қисмини анъанавий кинематографиядан эмас, стриминг сервислари ва телевидениедан қўлга киритган.
Сўнгги йилда энг кўп ҳақ олган эркак актёрлар ўнталигининг умумий даромади 545,5 миллион долларни ташкил қилган ва ушбу натижа аёл ҳамкасблар томонидан қайд қилинган кўрсаткичдан деярли икки баравар кўп, дейилади хабарда.
Эслатиб ўтамиз, Forbes’нинг энг кўп ҳақ тўланадиган актёрлар рўйхатида Дуэйн Жонсон етакчилик қилган ва унинг 2020 йилдаги даромади 87,5 миллион доллар деб баҳоланганди.
Мавзуга доир:
- Amazon асосчиси Жефф Безоснинг собиқ рафиқаси дунёдаги энг бой аёлга айланди
- Forbes биринчи марта энг кўп пул топадиган Tik Tok юлдузлари рейтингини эълон қилди
- Forbes энг кўп ҳақ тўланадиган машҳурлар рейтингини эълон қилди. Унда нашр миллиардер унвонидан маҳрум қилган Кайли Женнер етакчилик қилди
- Дунёнинг энг кўп ҳақ тўланадиган актёри Дуэйн Жонсон ва унинг оила аъзолари коронавирусни бошдан кечирди
- Ҳашаматли уйлар, бриллиант ҳамда қимматбаҳо автомобиллар: Сайёранинг энг бадавлат рэперлари қандай яшайди?
- Билл Гейтс Уоррен Баффеттнинг 90 ёшга тўлиши муносабати билан унинг портрети туширилган торт пиширди (видео)
- Тилладан тикилган кийимлар, шахсий самолётида келган меҳмонлар: Дунёнинг энг кўп пул сарфланган, дабдабали тўйлари (фото)
Изоҳ (0)