Болливудда қўшиқ ва рақс азалдан бир-бирига чамбарчас боғлиқ. Шунинг учун ҳам айрим кино юлдузлари илк фаолиятини раққосликдан бошлаган. Юлдузлар машҳурликка эришгандан сўнг энди орқа фонда эмас, балки бош қаҳрамон образида намоён бўлмоқда.
Ранвир Сингх
«Гоҳи шодлик, гоҳи ғам» фильмида тўй саҳнасида машҳур актёрларнинг ортида рақс ижро этган Ранвир Сингх ҳозирда Болливуднинг энг истеъдодли ва кўп қиррали актёрларидан бири саналади. Шунингдек, актёр бу даражага эришишда бир қанча қийинчиликларни босиб ўтди. Карьерасини раққосликдан бошлаган актёр «Биз ёлғиз эмасмиз» фильмидаги тароналарда ҳам кўриш мумкин.
Дия Мирза
2000 йил «Осиё гўзали» ва моделга айланган Дия Мирза Жанубий Ҳиндистон фильмларида ёрдамчи раққоса сифатида иш бошлаган. Уни «Ҳаётимнинг нафаси» филимга ишланган клипда кўриш мумкин.
Шаҳид Капур
Ҳиндистонлик машҳур актёр Болливуддаги фаолиятини 1990 йилларнинг охирида мусиқий клипларда ва реклама роликларида раққосликдан бошлаган. У «Севги ритмлари» ва «Телба юрак» фильмидаги қўшиқларда рақс тушган.
Дейзи Шах
«Яшасин, ғалаба!» фильмида Салмон Хон билан рол ижро этган актриса барчага таниш бўлса керак. Актриса профессионал раққоса сифатида бир неча қўшиқларда рақс ижро этган.
Сушант Сингх Ражпут
Сушант актёр бўлишдан аввал фильмларда орқа фонда рақсга тушган. У таниқли хореограф Шиамак Даварнинг рақс гуруҳида ишлаган. Уни Ритик Рошан, Айшвария Рай ва Прити Зинталар ижро этган фильм клипларида кўриш мумкин. Кейинчалик у кино ва телевизион актёр сифатида катта шуҳратга эришди. Афсуски, бугун маҳоратли актёр орамизда йўқ.
Сарож Хон
Сарож Хон Болливуддаги таниқли рақс хореографларидан бири. У 2000 дан ортиқ қўшиқларни саҳналаштирган. Аммо у хореографик карьерасидан аввал кўплаб фильмларда фон раққоси бўлган.
Аршад Варси
Аршад Варси Болливудга раққос сифатида кириб келди ва кейинчалик кино саноатининг энг яхши актёрларидан бирига айланди. Актёрнинг ижросини «Олов билан ўйин» фильми қўшиқларида кўриш мумкин.
Фара Хон
Фара Хон кўплаб Болливуд фильмларида хореографик фаолияти билан танилган. У ҳинд фильмларида 100 дан ортиқ рақсларни саҳналаштирган. Бундан ташқари, у раққоса сифатида ҳам ишлаган. Масалан, уни Говинда билан 1986 йил намойиш этилган «Бахтли бўл» мелодрамасига ишланган клипда кўриш мумкин.
Изоҳ (0)