Ўзбекистон Давлат солиқ қўмитаси раиси Шерзод Кудбиев Кирилл Альтманнинг Alter Ego лойиҳасига берган интервьюсида Тошкентнинг Мирзо Улуғбек тумани ҳокими этиб тайинлангандан кейинги биринчи фикрлари, ижтимоий тармоқлардаги танқидлар ва ҳокимлик ҳузурида жамоат кенгашининг ташкил этилиши ҳақида гапириб берди деб ёзмоқда «Gazeta.uz».
Шерзод Кудбиев туманга 2016 йилнинг сентябрь ойидан 2018 йилнинг апрель ойигача раҳбарлик қилган. Унинг айтишича, туман раҳбари этиб тайинланиши унинг учун кутилмаган ҳолат бўлган.
«Бу катта йиғилиш пайтида бўлган. Ҳаёлимга келган биринчи фикр: «Эй худо, шарманда қилма». Чунки Мирзо Улуғбек тумани раҳбари бўлиш, бир томондан обрўли бўлса, иккинчи томондан бу жуда масъулиятли эди. Шунинг учун, масъулият юки... Кабинетга келиб, бу нима, қандай бўлганини англаб етиб ўзимга келишимга тахминан уч кун вақт кетди», — дейди у.
«Ҳокимларни тайинлаш тўғрисида қарорлар қабул қилинадиган жойда ишлаганман. Ҳоким ёки тайинланадиган бирор шахс учун бу кутилмаган ҳолат бўлиши мумкин. Аммо ишонинг, тайёргарлик пайтида бу кутилмаган ҳолат эмас.
Бундай қарорларни қабул қилиш учун ҳамма нарса тарозига тортилади, ҳисоблаб чиқилади, у ёки бу лавозимга тайинланиши мумкин бўлган раҳбарларнинг психологик портретлари тузилади. Бу сиз кўринмайдиган жуда катта, машаққатли иш. Сиз буни қачондир кўрасиз деб ўйламайман. Бундай ишлар дунёнинг бирон бир давлатида кўринмайди, у доим парда ортида бўлади», — деган Шерзод Кудбиев.
Мирзо Улуғбек тумани ҳокимлиги 2016 йилда пойтахтнинг бошқа туман маъмуриятлари орасида биринчилардан бўлиб Facebook’да саҳифа очди. У ерда режалаштирилган тадбирлар, коммуникациялардаги вақтинчалик узилишлар ва кўчалар реконструкцияси ҳақида маълумотлар эълон қилинарди.
«Бошқа йўл йўқ эди. Танқидлар оқимини ҳал қила олмаслигингизни кўрсангиз, яхшиси ундан фойдаланган маъқул. Мен 2016 йилда айрим нарсаларни очиқ тан олдим: ҳа, подвалларга сув тошган, томлардан чакка ўтади, пиёдалар йўлаклари йўқ. Бунинг учун мени танқид қилишнинг кераги йўқ. Келинг, яхшиси биз камчиликларни келтириб, режа тузиб, уларни секин-аста бартараф қиламиз. Агар биз шунчаки ўзимизни ёпиқ туцак, ҳокимият ишламаяптгандек кўринади», — дея тушунтирган у.
Ўша йилнинг баҳорида Мирзо Улуғбек вилояти ҳокимлиги ҳузуридаги жамоат кенгаши ҳам ўз ишини бошлади. У туман муаммоларини ҳал қилишга кўмаклашадиган ва ҳокимият ишларини назорат қиладиган давлатдан мустақил орган.
«Мен биринчи бўлиб ҳокимликлар ўртасида жамоат кенгашини ташкил қилдим. Жамоатчилик кенгашининг вазифаларидан бири фуқароларнинг мурожаатлари асосида таклифлар ишлаб чиқишдир. Мен кун тартибини шакллантириш ҳуқуқини бердим: нимага, қачон ва қанча пул сарфлаймиз. Камчиликларни тузатиш имкони бўлиши учун мен тасдиқлаш ҳуқуқини ўзимда сақлаб қолдим. Лекин бу алал-оқибат иш берди, чунки жамоат кенгашидаги одамлар ўзлари қарор қабул қилишни бошлаганларида, бир зумда ҳамма нарсани тузатиш мумкин эмаслигини кўради. Кейин танқидлар ҳам камайди», — деб эслайди Шерзод Кудбиев.
Айни пайтда Мирзо Улуғбек тумани ҳокимлигини Шавкатбек Иргашев эгаллаб келмоқда. Шерзод Кудбиев ҳоким лавозимидан кетганидан кейин у Бандлик ва меҳнат муносабатлари вазири (2018—2019), Президентнинг давлат хизмати ва ваколатли ҳокимият билан ўзаро алоқалар бўйича маслаҳатчиси (2019—2020) лавозимида, шу йилнинг май ойидан буён эса Давлат солиқ қўмитаси раиси лавозимида ишлаб келмоқда.
Интервьюнинг тўлиқ шаклини YouTube ёки Mover (Tas-IX)да томоша қилиш мумкин.
Изоҳ (0)