Қўзиқорин ва товуқдан французча таом тайёрлаб кўринг

Помидор ва пишлоқ ёрдамида юмшоқ пиширилган товуқли таом — кечки овқат ҳамда байрамона дастурхон учун ажойиб танлов!

Керакли маҳсулотлар:

• Товуқ филеси – 800-900 гр;
• Пиёз – 1-2 дона;
• Помидор – 2-3 дона;
• Қўзиқорин – 400 гр;
• Сметана – 200 гр;
• Пишлоқ – 200-250 гр;
• Ўсимлик ёғи – 3-4 ош қошиқ;
• Туз ва зираворлар.

1. Товуқ филесига туз ва зираворлар сепилиб, махсус плёнкага ўралади. Ошхона болғаси билан яхшилаб урилади.
2. Пиёз ва помидор эса паррак қилиб тўғралади.
3. Қўзиқорин майда тўғралиб, 7-10 дақиқа мобайнида 2-3 ош қошиқ ёғ солинган товада қовурилади. Бироз совигандан сўнг сметана билан аралаштирилади.
4. Товуқ филеси ёғланган қолип ичига жойлаштирилади, устидан қўзиқорин, пиёз ва помидор солинади. Сўнгра қирғичдан ўтказилган пишлоқ сепилади.
5. 200 даражада қизиган печга 30-35 дақиқага қўйилади.