26 сентябрь куни Россиянинг Самара вилоятидан 943 нафар ўзбекистонликлар поездда ватанига жўнатилди. Бу ҳақда «ТАСС» хабар қилди.
26 сентябрда ҳам Самарадан 750 нафар ўзбекистонликлар автобусларда ватанга жўнатилганди. Аввалроқ Самара вилоятидаги вақтинчалик пунктда кўп сонли ўзбекистонлик муҳожирлар тўплангани ва тўпланганларнинг барчаси ватанга қайтиш умидида эканлиги хабар қилинганди.
Мигрантлар учун Болшечернигов туманида, кейинчалик Кинел туманида чодирли лагер ташкиллаштирилган. Бу ерда тиббий хизмат, сув келтириш ва озиқ-овқат маҳсулотлари ҳамда биринчи эҳтиёж буюмлари савдоси йўлга қўйилган, хорижий фуқаролар ва маҳаллий аҳолининг хавфсизлиги таъминланган.
Ўзбекистонликларни Самарадан олиб чиқиш бўйича иш федерал даражада ташкиллаштирилган бўлиб, бу мақсадда махсус ишчи гуруҳ ҳам тузилган.
Май ойидан бери Самара вилоятидан Ўзбекистонга 10 мингга яқин фуқаролар қайтарилган. 12, 14, 19 ва 23 сентябрда Самарадан поездда 3 500 киши Ўзбекистонга жўнатилган, 16 сентябрда 150 га яқин ўзбекистонлик самолётда учиб кетган. Сентябрь ойининг ўзида тахминан 6 минг нафарга яқин ўзбекистонликлар Самарадан ватанга қайтарилган.
Эслатиб ўтамиз, 22 сентябрь куни Россиядан 746 нафар ўзбекистонлик поездда ватанга олиб келингани ҳақида хабар берилди. 16 сентябрь куни Самарадан 938 нафар ўзбекистонлик поездда олиб келинди. 15 сентябрь куни эса Самара ва Екатеринбургдан 2 мингга яқин, 3 сентябрь куни 922 нафар ўзбекистонлик поездда Ўзбекистонга олиб келинганди.
Бунга қадар Россиянинг Шимолий Кавказ ва Жанубий федерал округларидан 927 нафар, Самара вилоятидан 918 нафар ўзбекистонлик поезд орқали мамлакатга олиб келинган. 9 августда Россиядан поездда олиб келинган 918 нафар ўзбекистонлик Намангандаги карантин зонасига жойлаштирилган. Шунингдек, шу куни бошқа бир поезд Самарадан Самарқандга ўзбекистонликларни олиб келган.
Изоҳ (0)