O‘zbekistondan Rossiyaning Samara viloyatidagi fuqarolarni olib kelish uchun navbatdagi avtobuslar yuborildi, deya xabar bermoqda Transport vazirligi.
Qayd etilishicha, O‘zbekistonga qaytish istagida bo‘lgan Rossiyaning Qozog‘iston bilan chegaraoldi hududi – Samara viloyatida to‘planib qolgan fuqarolarni vatanga olib kelish maqsadida 2020-yilning 23-sentabr kuni 15 ta avtobusdan iborat ilk karvon Rossiyaga jo‘natilgan edi. Ayni damda 750 nafar fuqaroni olib qaytayotgan ushbu avtobuslar rejaga ko‘ra 27-sentabr kuni O‘zbekistonga kirib keladi.
Transport vazirligi huzuridagi “Uzautotrans service” korxonasi tomonidan 26-sentabr kuni navbatdagi 15 ta avtobusdan iborat karvon Rossiyaning Samara viloyati tomon yo‘lga chiqdi.
“Ushbu maxsus avtobus qatnovlari barcha sanitariya qoidalari va Qozog‘iston hamda Rossiya tomonidan qo‘yilgan talablarga qat’iy amal qilgan holda bajarilmoqda”, – deyiladi vazirlik xabarida.Avvalroq Tashqi ishlar vazirligi xorijdagi o‘zbekistonliklarni olib kelish bo‘yicha charter reyslar va poyezd qatnovlari haqida ma’lumot bergandi.
Izoh (0)