Bugun,

  • USD 11095.31
  • RUB 173.84
  • EUR 10772.44

Respublika maxsus komissiyasi tomonidan O‘zbekiston fuqarolarini Rossiya Federatsiyasining turli hududlaridan olib kelish bo‘yicha tizimli ishlar davom ettirilmoqda, temir yo‘l va charter reyslari amalga oshirilmoqda. Tashqi ishlar vazirligining tezkor shtabi mazkur reyslar haqida ma’lumot berdi.

Foto: “Daryo”

Foto: “Daryo”

Unga ko‘ra 21-sentabr kuni 2641 nafar fuqaroni O‘zbekistonga olib kelish uchun Moskva shahridan 6 ta, Sankt-Peterburg shahridan 3 ta, Rostov-Don shahridan 1 ta va Turkiyadan 2 ta charter reyslari amalga oshirilgan. Shuningdek, 253 nafar o‘zbekistonliklar Uzbekistan Airways AJning “Toshkent–Minsk–Toshkent” va “Toshkent–Bishkek–Toshkent” yo‘nalishlaridagi hamda Asiana Airlines’ning “Seul–Toshkent–Seul” yo‘nalishidagi muntazam reyslari orqali O‘zbekistonga qaytgan.

Bundan tashqari, 21-sentabrda “O‘zbekiston temir yo‘llari” AJning poyezdlarida 2538 nafar o‘zbekistonlik Novosibirsk, Rostov-Don va Samara shaharlaridan yetib kelgan.

“Shuni qayd etamizki, koronavirus pandemiyasi sharoitida fuqarolarning ommaviy to‘planishi virusni yuqtirish xavfini oshiradi. Ayniqsa, sog‘lig‘i xavf ostidagi toifalar (qariyalar, homilador ayollar, bemorlar, surunkali kasallikka chalinganlar) uchun bu holat yanada xatarlidir.

Rossiya hududida bo‘lgan vatandoshlarimizdan poyezd stansiyalarida to‘planmasliklarini, hozirda bo‘lib turgan joylarida qolishlarini va barcha karantin talablariga qat’iy rioya qilishlarini yana bir bor so‘raymiz”, – deyiladi TIV axborotida.

Avval 14-sentabrda Rostovdan 837 nafar, Yekaterinburgdan 800 ga yaqin vatandosh poyezdda O‘zbekistonga olib kelingani xabar qilingandi.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova