Америкада доимий мижоз пицца ташувчига 12 минг доллар чойчақа қолдирди (видео)

Американинг Юта штатида жойлашган Рой шаҳрида доимий буюртмачи пицца етказиб берувчига 12 минг доллар чойчақа пули қолдирди. Бу ҳақда Today нашри хабар берди.

Дерлин Ньюининг ёши 89 да, у нафақага чиққан бўлса-да, ҳафтасига 30 соат пицца етказиб берувчи бўлиб ишлайди. Чунки унинг нафақаси кундалик харажатларига етмайди.

Нафақахўрнинг доимий мижозларидан бири бўлган Карлос Вальдез Ньюининг пицца етказиб бераётганини видеога олди ва TikTok платформасига жойлаштирди. Тез орада Вальдезнинг обуначилари Ньюининг «Салом, пицца истайсизми?» деган иборасини ёқтириб қолди.

Кўпчилик кузатувчилар кекса америкаликнинг ишлашига тўғри келаётганидан хавотир олди. Натижада Вальдезлар оиласида нафақахўрга ёрдам бериш учун маблағ йиғиш фикри пайдо бўлди. «Биргаликда ушбу ажойиб инсон учун 12 минг доллар йиғишга муваффақ бўлдик», − дейди Вальдез.

Вальдез Ньюига антиқа сюрприз тайёрлади, у йиғилган маблағни қария яшайдиган уйга олиб борди. «Қандай миннатдорлик билдирсам экан? Ташаккурдан бошқа нима деб айтишни ҳам билмайман», − дейди пицца етказувчи нафақахўр.

https://twitter.com/KSL_AlexCabrero/status/1308542316492193792