Австралияда Арнольд исмли веймаранер ит яшайди. У унга кучукчалигида овчарка ит ҳужум қилган. Ўшандан буён ит бошқа итлардан, айниқса, катта итлардан қўрқади. Бу ҳақда Metro газетаси маълум қилди.
Унинг эгаси Керолин Маналис уй ҳайвони билан мулоқот қилиш учун ёрдам керак деб қарор қилди ва ўзига яна бир Фрэнк исмли таксани сотиб олди. Фрэнк Арнольддан 30 килограммга кичикроқ. Маналис Фрэнк Арнольдни психологик қўллаб-қувватлаётганига ишончи комил.
Унинг сўзларига кўра, уларнинг иккиси дўстга айланган. Шу орқали Арнольд ўзига бўлган ишончини тиклади, энди у ташқи ҳужумдан қўрқмайди, ўйнаб-завқланади.
«Кичкина дўсти билан ўйнаш Арнольд учун энг яхши терапия эди. Арнольд ўзининг дўсти такса учун ота-оналик вазифасини бўйнига олган», − дейди аёл.
Маналиснинг фикрига кўра, Фрэнк Арнольдни ўзининг отаси деб билади. «Фрэнк Арнольднинг ҳамма ишларини такрорлайди, агар Арнольд овоз чиқариб юборса, Фрэнк дарҳол унга тақлид қилади, худди тўтиқуш каби. Арнольд Фрэнкка ўзини уйда қандай тутиш кераклигини, меҳмонларга ҳуриш, тўпни қувиш, юриш, ўтириш, бўйинга тасма тақиш ва йўлни кесиб ўтишдан олдин кутишни ўргатди. Арнольд қаерга борса, Фрэнк ҳам унга эргашади. Улар бир-бирларини жуда яхши кўради ва қўллаб-қувватлайди!» – дейди Маналис.
Шунингдек, агар итлардан бири ғингшиса, иккинчиси дўстининг аҳволини дарров текширади. «Уларнинг бир-бирига бўлган меҳри ва катталиги наслидан қатъи назар мустаҳкамдир», деб хулоса қилди итларнинг эгаси.
Изоҳ (0)