Ўзбекистонда бюджет ташкилотлари ходимларига 2021 йилгача рағбатлантириш пуллари тўланмайди. Бу ҳақда ҳукуматнинг «2020 йил учун Ўзбекистон Республикаси Давлат бюджетининг барқарорлигини таъминлаш ва харажатларини мақбуллаштириш чора-тадбирлари тўғрисида»ги 21 сентябрда қабул қилинган қарорида белгиланди.
Қарорга мувофиқ, бюджет ташкилотларида ишлайдиган ходимларга моддий рағбатлантириш махсус жамғармаси, ОТМларнинг моддий рағбатлантириш жамғармаси ҳамда директор жамғармаси маблағлари ҳисобидан тўловлар ҳисобланишининг тўхтатиб турилиши 2020 йил 1 октябрдан 2021 йил 1 январга қадар узайтирилди. Тиббиёт, тиббий-ижтимоий муассасалар, меҳрибонлик уйлари ҳамда меҳнатга ҳақ тўлашнинг 1-3 разрядлари қўлланиладиган ходимлар бундан мустасно.
Шунингдек, Инқирозга қарши курашиш жамғармаси маблағлари ҳисобига амалга оширилиши режалаштирилган 224 миллиард 288 миллион сўм харажатлар мақбуллаштирилди.
Мавзуга доир: Инқирозга қарши курашиш жамғармасининг харажатлари ҳақидаги маълумотлар Молия вазирлигининг сайтида эълон қилиб борилади
- Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг тасдиқланган даромадлар прогнозининг бажарилмаслиги ҳисобига харажатларнинг мақбуллаштирилган қисми — республика бюджетига;
- ушбу қарорга мувофиқ мақбуллаштирилган маблағлар — Инқирозга қарши курашиш жамғармасига ўтказилади.
Изоҳ (0)