Нима учун коронавирус инфекцияси болаларда катталарга нисбатан енгил ўтади? Коронавирусга қарши кураш штаби аъзоси Барно Абдусаматова АОКА залида ташкил этилган брифингда ҳозирги кунда ушбу масала бўйича ягона фикр мавжуд эмаслигини таъкидлаган.
Коронавирус болаларда аксарият ҳолларда енгил шаклдаги ЎРВИ сингари кечади, яъни томоқ оғриғи, йўтал, бурун оқиши ва аксириш кузатилади. Касаллик оғирроқ кечаётган бўлса – тана ҳароратининг 37,5-39 даражагача кўтарилиши, ҳолсизлик ва бош оғриғи кузатилади. Енгил кечишига олиб келувчи сабаблар қуйидагилар бўлиши тахмин қилинади:Бироқ мутахассис болаларда ҳам касаллик ўтказилиб юборилса ва шифокорга кеч мурожаат қилинса ҳамда уларда нафас олиш тизимининг сурункали касалликлари мавжуд бўлса, уларда ҳам оғир кечиш ҳолатлари кузатилиши мумкин ҳамда ўлимга олиб келиши мумкинлигини такрорлаб ўтган.
- катталарга нисбатан соғлом ўпкага эгалиги туфайли болалар касалликнинг оғир шаклларига берилувчан эмас;
- болалар, айниқса эрта ёшдаги болалар ёмон одатларга - чекиш ва бошқаларга эга эмаслиги;
- туғма иммунитет, яъни носпецифик ҳимоя болаларда катталарга нисбатан кучли бўлганлиги;
- COVID-19 вируси ҳужайра ичига кириши учун ўз оқсилини инсон ҳужайраларидаги C рецепторлар билан боғлайди. Болаларда ушбу рецепторларнинг сони ва фаоллиги кам. Яъни, болаларда вирус кириши учун нишонлар кам;
- болалар боғча ва мактабларда ўзлари учун жуда кўп янги респиратор инфекцияларга учрайдилар. Бунинг натижасида уларда бир қатор касалликларга қарши антитаначалар ҳосил бўлиб, уларнинг миқдори катталарникига нисбатан кўп бўлади.
Мавзуга доир:
- Коронавирусга чалинган ота-она фарзандини касалликдан қандай асраши керак? Мутахассис жавоби
- ЖССТ COVID-19’дан ҳимоялаш учун болаларга неча ёшдан тиббий ниқоб тақиш тавсия қилиниши ҳақида маълумот берди
- Ниқоб тақиб бўлмайдиган кичик ёшли болаларни коронавирусдан қандай ҳимоялаш керак? Мутахассис жавоби
Изоҳ (0)