O‘zbekistonda budjet tashkilotlari xodimlariga 2021-yilgacha rag‘batlantirish pullari to‘lanmaydi. Bu haqda hukumatning “2020-yil uchun O‘zbekiston Respublikasi Davlat budjetining barqarorligini ta’minlash va xarajatlarini maqbullashtirish chora-tadbirlari to‘g‘risida”gi 21-sentabrda qabul qilingan qarorida belgilandi.
Qarorga muvofiq, budjet tashkilotlarida ishlaydigan xodimlarga moddiy rag‘batlantirish maxsus jamg‘armasi, OTMlarning moddiy rag‘batlantirish jamg‘armasi hamda direktor jamg‘armasi mablag‘lari hisobidan to‘lovlar hisoblanishining to‘xtatib turilishi 2020-yil 1-oktabrdan 2021-yil 1-yanvarga qadar uzaytirildi. Tibbiyot, tibbiy-ijtimoiy muassasalar, mehribonlik uylari hamda mehnatga haq to‘lashning 1-3 razryadlari qo‘llaniladigan xodimlar bundan mustasno.
Shuningdek, Inqirozga qarshi kurashish jamg‘armasi mablag‘lari hisobiga amalga oshirilishi rejalashtirilgan 224 milliard 288 million so‘m xarajatlar maqbullashtirildi.
Mavzuga doir: Inqirozga qarshi kurashish jamg‘armasining xarajatlari haqidagi ma’lumotlar Moliya vazirligining saytida e’lon qilib boriladi
- Qoraqalpog‘iston Respublikasi budjeti, viloyatlar va Toshkent shahar mahalliy budjetlarining tasdiqlangan daromadlar prognozining bajarilmasligi hisobiga xarajatlarning maqbullashtirilgan qismi — respublika budjetiga;
- ushbu qarorga muvofiq maqbullashtirilgan mablag‘lar — Inqirozga qarshi kurashish jamg‘armasiga o‘tkaziladi.
Izoh (0)