Бугун,

  • USD 11095.31
  • RUB 173.84
  • EUR 10772.44

Психотерапевт шифокор, АҚШнинг функционал тиббиёт институти (IFM) аъзоси Михаил Гаврилов, шакар истеъмол қилинмаса организмда қандай ўзгаришлар юз беришига тўхталиб ўтади.

Фото: «Домашний Очаг»

Фото: «Домашний Очаг»

Вазн ташланади

Шакарнинг меъёридан ортиқ истеъмол қилиниши, ёғли таомлардан ҳам кўпроқ семиришга сабаб бўлади. Ёғ мураккаб молекула, организм уни ҳазм қилиши учун вақт керак. Глюкоза эса парчаланмайди. Шу сабаб ҳам глюкоза ёғга қараганда захирада кўпроқ тўпланади.

Таомга қарам бўлмаслик

Ширинликка одам кокаиндан кўра 8 марта тез қарам бўлиши мумкин. Ширинлик истеъмолидан кейин таъм билиш билан боғлиқ асаб ҳужайралари опиоид ва эндорфин ишлаб чиқарилишига сигнал беради ва бу оғриқ ва стрессни камайишига олиб келади. Кайфиятни кўтарилиб, инсон ўзини яхши ҳис қилишига сабаб бўлгани учун ширинликларга қарамлик ривожлана бошлайди. Бу эса иштаҳа очилиши, меъёридан кўпроқ овқатланишга олиб келади.

Қандли диабетга чалиниш хавфи камаяди

Шакар истеъмол қилинганда қонда глюкоза кўпайиб, инсулин ишлаб чиқарилиши тезлашади. Бу эса ҳужайраларнинг инсулинга бўлган таъсирчанлиги йўқолишига олиб келади, қондаги глюкоза эса камаймайди. Гипергликемия — қонда глюкозанинг меъёрдан кўпайиши эса иккинчи турдаги қандли диабет ривожланишига сабаб бўлиши мумкин.

Атеросклерозга чалиниш хавфи камаяди

Ширинлик истеъмол қилишни яхши кўриш оқибатида атеросклероз кузатилади. Глюкоза таъсирида қон-томир деворлари яллиғланади. Яллиғланган қисмда «ёмон холестерин» тўплана бошлайди ва бу тромб пайдо бўлишига олиб келади.

Кўринишингиз яхшиланади

Шакар мунтазам равишда истеъмол қилинганда, ҳужайралардаги оқсиллар билан реакцияга киришади ва оқсил гликацияси кузатилади. Бу эса тўқималарни зарарлаб, аъзолар функцияси бузилишига сабаб бўлади. Шунингдек, терига ҳам таъсир кўрсатмай қолмайди ва оқибатда терида эрта қариш аломатлари сезила бошлайди. Юзга эрта ажин тушишини олдини олиш ва ёш кўриниш учун рациондан шакарни қисқартириш тавсия қилинади.

Кўп шамоллаш кузатилмайди

Шакарнинг меъёрдан ортиқ истеъмол қилиниши, организмни вирус ва турли бактериялардан ҳимоялайдиган иммун системасига ҳам таъсир кўрсатади ва сустлашишига олиб келади. Камайтирилганда эса иммунитет паст бўлмагани учун аввалгидек тез-тез шамоллаш кузатилмайди.

Изоҳ
Асосий янгиликлар
Спорт
Tata Steel Чесс 2023. Нодирбек Абдусатторов америкалик рақиби билан дуранг ўйнади ва ҳамон мусобақа пешқадами бўлиб турибди. Жавоҳир Синдоровда ҳам дуранг
Маҳаллий
Сурхондарёдан топилган айиқ боласи зоопаркка топширилди
Маҳаллий
Ўзбек тили дарслигида мусиқа асбоблари номи хато ёзилгани айтилди (видео)