Британиянинг Бирмингем университети олимлари Қуёш тизимида инсон яшаши учун мос келадиган жойни аниқлади, деб хабар беради BGR.
Мутахассислар сувнинг суюқ шаклда ва биологик фаол моддаларнинг мавжудлигини таъминлашга имкон берадиган осмон жисмини танланган.
Марснинг жанубий қутбидаги муз қатламлари остидан кўл, сайёра атмосферасида эса метан топилган. Ушбу газни тирик организмлар ҳосил қилади. Олимларнинг таъкидлашича, қизил сайёрада ҳаёт мавжуд бўлиши мумкин, фақат микроблар кўринишида.
Юпитер йўлдоши Европанинг қаттиқ қатламлари остида эса суюқ океан мавжуд. Унинг усти муз билан қопланган, бироқ улар орасидан гейзерлар отилиб туради. Геологик фаоллик ўз навбатида гидроматериал манбаларнинг мавжудлиги фойдаси ҳақида гапиради.
Сатурннинг табиий йўлдоши Энцелад ҳам Европага ўхшайди. Унинг муз юзалари қаъридан отилаётган гейзерларда органик молекулалар аниқланган. Сайёранинг иккинчи йўлдоши — Титанда ҳам ҳаёт мавжуд бўлиши мумкин. Унинг азотли қалин атмосфераси мураккаб органик моддаларга эга. Шунингдек, табиий йўлдошда суюқ метандан иборат ҳавзалар бор.
Унинг юзасидаги криовулқонлар лава ўрнига сув отади. Титандаги ҳаво ҳарорати минус 180 даража Цельсийга тенг, бироқ айрим олимларнинг фикрича, у ердаги ҳаёт тарзи Ердагидан фарқ қилиши мумкин.
Аввалроқ NASA муҳандиси Титаннинг афзаллиги метеоритлар ва космик радиациядан ҳимоя қилувчи зич қатламли атмосферага эгалиги, қолаверса, атмосферанинг шу даражада зичлигидан, одамлар ҳатто тақиладиган қанотлар ёрдамида учишлари мумкинлиги тўғрисида маълум қилганди.
Изоҳ (0)