Ўтган 40 йилдан камроқ вақт ичида ёввойи ҳайвонлар популяцияси 68 фоизга камайиб кетди. Бу ҳақда Бутунжаҳон ёввойи табиат фонди ҳисоботига таяниб, CNN хабар берди.
Ҳисоботда келтирилган маълумотларга кўра, сўнгги 36 йил ичида сутемизувчилар, қушлар, балиқ, рептилия ва амфибиялар популяцияси фалокатли даражада 4392 та турга қисқарган.
1970 йилдан 2016 йилгача бўлган давр оралиғида ўтказилган мутахассислар тадқиқотидан кўриш мумкинки, Лотин Америкаси ва Кариб минтақасидаги популяция 94 фоизга қисқарган. Айниқса, сув ҳавзаларида яшайдиган жониворлар кўпроқ жабр кўрмоқда.
Ҳайвонот оламининг йўқолиб кетишига сабаб бўлаётган асосий омиллар — қишлоқ хўжалиги маҳсулотларини ишлаб чиқариш кўламини ошириш ва ёввойи табиатни ҳаддан ортиқ эксплуатация қилиш.
Олимларнинг огоҳлантиришича, экотизимнинг бузилиши оқибатида ҳайвонлар, ўсимликлар ва ҳашаротларнинг миллионга яқин тури яқин ўн ва юз йилликда бутунлай йўқолиб кетиши мумкин.
Изоҳ (0)