Экспертлар 2013 йилдан 2020 йилга қадар яратилган энг яхши видеоўйинлар рейтингини тузиб чиқди. Биринчилик Япониянинг Nintendo платформасига насиб этди — The Legend of Zelda: Breath of the Wild. Ўйин дастурчилари, танқидчилар ва журналистлардан иборат ҳакамлар ҳайъати ушбу давр мобайнида яратилган ўзининг энг яхши бешта ўйини номини рўйхатга киритган, деб ёзади Eurogamer.
Иккинчи ўрин 2015 йилнинг мартида тақдим этилган RPG Bloodborne видеоўйинига насиб этган. Учинчи ўринга 2019 йилнинг октябрида чиқарилган The Outer Worlds илмий-фантастик ўйини муносиб кўрилган.
Аджей Сапковскийнинг «Ведьмак» фентези-сагаси асосида яратилган машҳур The Witcher 3: Wild Hunt ўйини эса ўн йилликнинг энг машҳур видеоўйинлари рейтингидаги кучли ўнталикка якун ясаган.
Аввалроқ бутун дунёда карантин туфайли видеоўйинлар савдоси рекорд даражани қайд этгани тўғрисида хабар берилганди.
Изоҳ (0)