ПСЖ клуби ва Франция терма жамоаси ҳужумчиси Килиан Мбаппе фаолиятининг кейинги даврини қайси жамоа боғлаш масаласини ўрганиб чиқмоқда.
L’Equipe нашрининг хабар қилишича, 21 ёшли футболчига «Реал» ва «Ливерпуль» жамоалари даъвогарлик қилмоқда.
«Реал» 2020 йилнинг ёзида Мбаппени сотиб олишни режа қилганди, бироқ коронавирус пандемияси сабаб мадридликларнинг режалари ўзгариб кетган. Мбаппе «Реал» устози Зинедин Зиданнинг мухлиси ҳисобланади.
Шу билан бирга «Ливерпуль» бош мураббийи Юрген Клопп Мбаппени 2016 йилдан буён ўз жамоасида кўришни истайди. Ўша вақтда трансферни амалга оширишнинг иложи бўлмаган, бироқ бу давр ичида «Ливерпуль» Европанинг энг кучли клублари қаторидан жой ола билди. Манбага кўра, Клопп футболчини қўлга киритиш фикридан қайтмаган ва унинг атрофидагилар билан алоқани сақлаб турибди.
Килианнинг парижликлар билан амалдаги шартномаси 2022 йилга қадар мўлжалланган. Франциялик футболчи коронавирус туфайли муддатидан аввал якунланган Лига 1 2019/20 йилги мавсумида 20 та ўйин ўтказиб, 18 гол ва 6 та голли узатма муаллифига айланди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)