Футбол бўйича Coca-Cola Суперлига 16-турида «Бухоро» ва «Локомотив» жамоалари 20 сентябрь куни ўзаро баҳс юритди.
Учрашувнинг 15-дақиқасида Темурхўжа Абдухолиқов меҳмонлар олдинга олиб чиққан бўлса, орадан тўрт дақиқа ўтиб Марат Бикмаев жарима зарбасини қойилмақом ижро этган ҳолда жамоасининг иккинчи голини урди.
27-дақиқада Азизбек Амонов қанотдан узатилган тўпга боши билан зарба берган ҳолда ҳисобни йирик кўринишга олиб келди. Биринчи бўлим якунланиши арафасида «темир йўлчилар» бир ўйинчи кам бўлиб қолди: Шуҳрат Муҳаммадиев иккинчи сариқ карточкасини олиб майдонни тарк этди.
Иккинчи бўлимда бухороликлар Беҳруз Саъдуллоевнинг голи билан жавоб қайтаришга эришди ва 1:3 ҳисоби ўйин якунига қадар ўзгармади.
Шу тариқа кетма-кет учинчи ғалабасини қўлга киритган «Локомотив» очколарини 21 тага етказиб олган ҳолда 7-ўринга кўтарилди. «Бухоро» (8) эса 13-поғонада бормоқда.
Coca-Cola Суперлига
16-тур баҳси
«Бухоро» — «Локомотив» 1:3
Голлар: 0:1 – 15 Абдухолиқов, 0:2 – 19 Бикмаев, 0:3 – 27 Амонов, 1:3 – 60 Саъдиллоев.«Бухоро»: Зафар Сафаев, Миржалол Жумаев, Анвар Жўраев (Эргаш Исмоилов 26), Жасур Ҳакимов (Шаҳзод Бешимов 81), Азиз Ибрагимов (Изатилла Абдуллаев 72), Жасур Ҳасанов (Аброр Хусинов 46), Беҳруз Садиллоев, Бекзод Саидов, Илҳомжон Алижонов, Максимилиан Фомин, Солибек Каримов (Аббосбек Жумақулов 46).
«Локомотив»: Жавоҳир Илёсов, Жаҳонгир Абдумўминов (Кахи Махарадзе 56), Славко Дамянович (Абдулазиз Юсупов 74), Марат Бикмаев (Жавоҳир Алижонов 61), Темурхўжа Абдухолиқов, Азизбек Амонов (Жалолиддин Жумабоев 46), Ғулом Ҳайдар Ғуломов, Дилшоджон Комилов, Шуҳрат Муҳаммадиев, Шерзод Файзиев, Диёржон Туропов (Шаҳзод Шайманов 56).
Огоҳлантиришлар: Ҳакимов (33), Исмоилов (35), Муҳаммадиев (35).
Четлатиш: Муҳаммадиев (41).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!