Футбол бўйича Англия Премьер Лигаси 2-туридан ўрин олган навбатдаги баҳсда «Манчестер Юнайтед» ўз уйида «Кристал Пэлас»га 1:3 ҳисобида ютқазиб қўйди.
Учрашувнинг 74-дақиқасида мезбонлар посбони Давид де Хеа «Кристал Пэлас» фойдасига белгиланган 11 метрлик жарима зарбасини қайтара олмади. Қайд этиш жоиз, аввалига де Хеа Жордан Айю томонидан берилган зарбани қайтарганди. Бироқ ҳакамлар зарба берилаётган вазиятда Давиднинг дарвоза чизиғидан чиқиб кетганлигини қайд этди ва зарба қайтадан берилишини кўрсатди. Қайта зарбани эса Уилфрид Заҳа тепди ва нуқтадан адашмади.
Opta хабарига кўра, Давид де Хеа АПЛ доирасида кетма-кет 18 та 11 метрлик жарима зарбасини қайтара олмади. Испаниялик посбон сўнгги бор ушбу мусобақа доирасида 2014 йил октябрида сейв қилганди. Ўшанда у «Эвертон» ҳимоячиси Лейтон Бейнсга гол уриш имкониятини бермаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)