Футбол бўйча Англия Премьер Лигасининг 2-турида «Тоттенҳэм» 20 сентябрь, якшанба куни «Саутҳэмптон»га қарши баҳс олиб борди.
Учрашувнинг 32-дақиқасида Дэнни Ингз майдон эгаларини олдинга олиб чиқди. Биринчи бўлим якунланиши арафасида Сон Ҳён Мин мувозанатни тиклади. Уннинг голига Ҳарри Кейн ҳаммуаллифлик қилди.
Иккинчи бўлимни фаол бошлаган лондонликлар 47-дақиқада иккинчи голни урди: Ҳарри Кейннинг узатмасидан кейин дарвозабон билан бирга-бир вазиятга чиқиб борган Сон дублини нишонлади.
64-дақиқада яна Кейн қойилмақом узатма билан кореялик ҳужумчини қулай имкониятга олиб чиқди, Сон эса ҳет-трикни расмийлаштирди. Худди шу сценарий 73-дақиқада ҳам такрорланди: Сондан покер, Кейн эса тўртинчи ассистни ўз ҳисобига ёздириб қўйди.
81-дақиқада Ҳарри Кейн ҳам ўз ҳисобига гол ёздириб қўйди. Ўйин якунланиши арафасида мезбонлар пенальти тепиш имкониятига эга бўлди. 11 метрлик жарима зарбасини Ингз голга айлантирди.
АПЛ
2-тур баҳси
20 сентябрь, якшанба
«Саутҳэмптон» — «Тоттенҳэм» 2:5
Голлар: 1:0 – 32 Ингз, 1:1 – 45+2 Сон Ҳён Мин, 1:2 – 47 Сон Ҳён Мин, 1:3 – 64 Сон Ҳён Мин, 1:4 – 73 Сон Ҳён Мин, 1:5 – 82 Кейн, 2:5 – 90, пенальти Ингз.«Саутҳэмптон»: Маккарти, Беднарек, Бертран, Уокер-Питерс, Стивенс, Дженепо, Уорд-Проуз, Ромеу (Смоллбоун, 55), Армстронг (Телла, 68), Адамс (Лонг, 80), Ингз.
«Тоттенҳэм»: Льорис, Санчес, Дэвис, Доэрти, Дайер, Ндомбеле (Ло Чельсо, 46), Ҳёйберг, Лукас Моура (Ламела, 61), Уинкс, Сон Ҳён Мин, Кейн (Бергвейн, 84).
Огоҳлантиришлар: Ромеу (5), Адамс (39), Бертран (44), Ндомбеле (45), Стивенс (68), Доэрти (79).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)