Теннис бўйича «Улкан тож» туркумига кирувчи «Ролан Гаррос» мусобақаси квафилифкация босқичда қатнашиши кутилган икки тенисчида коронавирус аниқланди. Улардан бири ўзбекистонлик Денис Истомин, деб ёзмоқда журналист Дэнни Мише.
Иккинчи теннисчи номи ошкор этилмган. Қайд этиш жоиз, Франция мезбонлигидаги «Ролан Гаррос» саралаш босқичи 21 сентябрь куни бошланади. Асосий тўр баҳслари эса 27 сентябрдан бошланиши режалаштирилган.
2019 йил ушбу мусобақанинг эркаклар ўртасидаги баҳсларида испаниялик Рафаэль Надаль ғалаба қозонганди. Аёллар ўртасидаги беллашувларда эса австралиялик Эшли Барти ғолиб бўлганди.
Сўнгги маълумотларига кўра, Францияда коронавирус билан касалланганлар сони 467 минг кишидан ошган.
Маълумот учун, Денис Истомин ATP рейтингида айни дамда 167-ўринда бормоқда. Унинг энг яхши натижаси эса 33-ўрин бўлган. У бу маррага 2012 йилда эришганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)