АҚШ ғарбидаги ҳудудлар бу йил 2003 йилдан бери содир бўлган энг даҳшатли ёнғинларни бошдан кечирмоқда. Ушбу ёнғин ҳосил қилган тутун ҳатто Европанинг шимолий қисмигача етиб борди, дея хабар бермоқда Европанинг атмосфера мониторинги хизмати (ЯМХ)га таяниб «РБК» хабар берди.
ЯМХ маълумотларига кўра, ёнғинлар катта миқдордаги тутун ҳосил бўлишига ва ҳавонинг ифлосланишига олиб келган. Масалан, Калифорния ва Орегон штатлари 2020 йилда ҳаводаги углерод чиқиндиларини 2003 йилдан буён бўлган даврга нисбатан кўпроқ қайд этилди.
«Гарчи сўнгги кунларда аксарият штатларда ёнғинларнинг фаоллиги пасайган бўлса-да, атмосферада кучли тутун сақланиб қолмоқда», – дейилади хабарда.ЯМХ маълумотларига кўра, тутун Шимолий Америка, АҚШ ва Канада устидан атмосферага кириб келган. Шундай қилиб у шимолий Европага ҳам этиб борган. Буни келаётган дам олиш кунлари (19–20 сентябрь) яна содир бўлиши тахмин қилинмоқда.
Эслатиб ўтамиз, Қўшма Штатларда август ойидан буён йирик ёнғинлар давом этмоқда. Анормал иссиқлик ва чақмоқ ёнғинларни келтириб чиқарди. Калифорниядаги «Ўлим водийси» миллий боғида 17 август куни Ердаги энг юқори ҳарорат – 54,4 даража қайд этилди.
CNN ва Associated Press аввалроқ АҚШда август ойининг ўрталаридан бери ўрмон ёнғинлари камида 28 кишининг ҳаётига зомин бўлганлиги ҳақида хабар берди. Энг кўп қурбонлар Калифорния штатида бўлиб, у эрда ёнғинларда 19 киши ҳалок бўлди.
Изоҳ (0)