Андижон вилоятининг Андижон шаҳрида ХТБ мудири 141 миллион 364 минг сўм бюджет маблағларини талон-торож қилгани маълум бўлди. Бу ҳақда «Дарё»га Андижон шаҳар прокуратураси хабар берди.
Маълум қилинишича, Андижон шаҳар молия бўлими томонидан ўтказилган текширув натижасида айни пайтда шаҳар халқ таълими бўлими мутахассиси бўлиб ишлаётган С.Э. 2020 йилнинг 12 июнига қадар бўлим мудири вазифасини бажарувчи лавозимида ишлаган. У бўлимнинг бошқа мансабдор шахслари билан тил бириктирган ҳолда 141 миллион 364 минг 663 сўм бюджет маблағларини растрата қилиш йўли билан талон-торож қилган.
Мазкур ҳолат юзасидан С.Э. ҳамда бошқаларга нисбатан Жиноят кодексининг 167-моддаси (ўзлаштириш ёки растрата йўли билан талон-торож қилиш) 3-қисми «а» банди ва 209-моддаси (мансаб сохтакорлиги) 1-қисми билан жиноят иши қўзғатилган.
Ҳозирда ҳолат юзасидан тергов ҳаракатлари олиб борилмоқда.
Изоҳ (0)