Коронавирусга қарши кураш штаби аъзоси Барно Абдусаматова Ўзбекистонда коронавирусга чалинган беморлар учун 10 мингга яқин қўшимча захира ўринларини тайёрлаш ишлари олиб борилаётганини билдирган.
Ҳозирда 3 500 нафар бемор белгиланган стандартлар бўйича даво олаётгани, касалланганларга 114 та муассасада 19 346 та ўрин ташкил этилган.
Абдусаматова, шунингдек, «Бутун дунё бўйлаб куз мавсумида иккинчи тўлқинга тайёргарлик кетяпти, баъзи давлатларда бошланганлиги ҳақида хабарлар бор. Ўзбекистон иккинчи тўлқинга тайёрми?», деган саволга атрофлича жавоб берган.
Ҳа, тайёр. Эпидемия даврида вазият ҳар томонлама ўрганиб чиқилди. Шу даврга қадар эришилган ютуқлар ва камчиликлар кўриб чиқилиб таҳлил қилинди. Эндиликда шифохоналар кадрлар салоҳияти, моддий техник базаси билан таъминланган. Барча шифохоналар ва мутахассисларнинг ушбу йўналишда тажрибалари бор. Улар касаллик авж олишига йўл қўймайди. Шу билан бирга шуни айтиб ўтмоқчиманки, беморларга ўз вақтида малакали ва замонавий тиббий ёрдам кўрсатишга имкон ва барча керакли дори воситаларининг захиралари яратилган.Аввалроқ Барно Абдусаматова иккинчи тўлқин келиши учун барча беморлар тузалиб, кунлик аниқланаётган касаллар сони умуман бўлмаслиги кераклигини маълум қилганди. Шу билан бирга Вазирлар Маҳкамасининг Тошкент шаҳар ҳокими Жаҳонгир Ортиқхўжаев ва соғлиқни сақлаш вазири Алишер Шодмоновга ҳайфсан эълон қилиш ҳақидаги фармойишида Ўзбекистонда коронавирус пандемиясининг иккинчи тўлқини кетаётгани таъкидланган эди. Коронавирусга қарши кураш штабининг яна бир аъзоси Ҳабибулла Оқилов иккинчи тўлқин бошланиши учун биринчиси тугаши кераклигини маълум қилганди.Барно Абдусаматова, Коронавирусга қарши кураш штаби аъзоси
Изоҳ (0)