Коста-Рикада Габриэль Перез исмли йигит собиқ Совет даврига тегишли «ВАЗ-2106»га янги ҳаёт бағишлаш йўлида уни тюнинг қилишни бошлади. Анча вақтдан бери автомобилга эгалик қиладиган Перез мунтазам унинг ташқи кўринишини ўзгартириб туради, деб ёзади CARakoom.
Яқин вақтларгача «ВАЗ-2106» пасайтирилган «подвеска», улкан ғилдираклар ва бошқа элементларга эга бўлган. Аммо кенгайтирилган ғилдирак аркалари унга етмаган.
Навбатдаги киритилган ўзгартиришда у ҳам пайдо бўлган. Аркалар металлдан максимал даражада сифатли яратилган бўлиб, қанотларга равон қўшилиб кетган.
Бутун кузов оқ рангдан ноодатий кул ранг металл рангига бўялган. Машина JDM услубидаги жиддий моделга айланган. Ушбу хабарни ёзиш вақтида автомобилни йиғиш ишлари давом этаётган бўлган. Лойиҳа 75 фоизга тайёр. Габриэль тюнинг жараёнини Instagram’даги аккаунти орқали намойиш этиб бормоқда.
Маълумот учун, JDM услуби бу — 2000 йилгача бўлган машиналар дизайнига сезиларли даражада ўзгартириш киритиш ҳисобланади.
Аввалроқ америкалик эркак эски «ВАЗ-2105»ни 500 от кучига эга «махлуқ»қа айлантиргани тўғрисида хабар берилганди.
Изоҳ (0)