Красноярскда истиқомат қилувчи фуқаро кўплаб ташландиқ автомобиллар сақланаётган улкан махсус автотураргоҳга дуч келди. Унинг ҳудудига киришга муваффақ бўлган эркак автомобиллар ҳолати борасида фоторепортаж тайёрлаган, деб хабар беради Motor.

Фото: Motor

Махсус тураргоҳда Россияда ишлаб чиқарилган кўплаб автомобилларни учратиш мумкин. Уларнинг аксарияти ачинарли аҳволда — моделлар кузови занглаб кетган ёки авариядан сўнг пачоқланган.

Фото: Motor

Шунингдек, машиналар орасида хорижда ишлаб чиқарилган қимматбаҳо моделлар ҳам мавжуд. Суратлардан автотураргоҳдаги кўплаб автомобилларга қараганда яхши сақланган Audi А6’ни кўриш мумкин. Бундан ташқари, ғилдиракларининг ҳавоси чиқариб юборилган Mercedes-Benz G-класс ва ойналари синиб, салони ёниб кетган Range Rover ҳам бор.

Фото: Motor

Фото: Motor

Автомобильларнинг катта қисми чиришни бошлаганига қарамай, моделларнинг катта қисми ҳамон ЙҲХББда рўйхатида турибди. Уларнинг эгалари қачондир ўз машиналарини олиб кетишга келиши мумкин.

Фото: Motor

Аввалроқ Португалияда 50 га яқин классик Мини моделлари сақланган омбор, Саудия Арабистонида эса совет «Волга»лари «қабристони» топилгани тўғрисида хабар берилганди.