Сурхондарё вилоятида қонунга хилоф равишда Damas автомобилида 12 та йўловчи билан ҳаракатланаётган ҳайдовчи аниқланди, дея хабар бермоқда ЙҲХББ.
Қайд этилишича, Сурхондарё вилояти Термиз тумани ҳудудидан ўтган М-39 автомобиль йўлининг 1441-километрида ЙПХ ходими томонидан тўхтатилган Damas автомашинасида ҳайдовчи 12 та йўловчи билан кетаётганлиги аниқланган.
«ОАВда кўряпсизми нима ҳолатлар бўляпти, ЙТҲлар қандай оқибатларга олиб келяпти? Худо кўрсатмасин, ҳозир битта ҳолат бўлса, 13 та одамнинг ҳаёти хавф остида қолади. Шахсий манфаатни ўйлаб, одамлар ҳаётини хавф остига қўйиш керак эмас», – дея ҳайдовчига танбеҳ берган ЙПХ ходими.
Ҳайдовчига нисбатан белгиланган тартибда чора кўрилган.
Аввалроқ Сурхондарёда 21 кишини автомобиль юкхонасида олиб кетаётган ҳайдовчига ва Changan автомашинаси юкхонасида 35 кишини олиб кетаётган ҳайдовчига нисбатан чора кўрилгани хабар қилинганди.
Изоҳ (0)