Мадриднинг «Реал» клуби 2019/20 йилги мавсумни фойда билан якунлади.
Marca нашрининг хабар қилишича, мадридликлар клуби мавсумни 320 минг евро фойда билан ёпган. Бу миқдор катта клуб учун жуда паст кўрсаткич ҳисобланади ва унинг асосий сабаби коронавирус пандемияси бўлди.
2019/20 йилги мавсумда «Реал»нинг бюджети 650 миллион еврони ташкил қилди. Бу кутилган даромаддан 170 миллионга кам дегани.
Эслатиб ўтамиз, клуб ёзги трансфер мавсумида харидларга қўл урмади, шунингдек, футбол ва баскетбол жамоасида маошлар 10 фоизга қисқартирилганди.
2019/20 йилги мавсумда «Реал» Ла Лигада «Барселона»ни ортда қолдириб чемпионга айланди. Чемпионлар Лигасида жамоа 1/8 финалда «Манчестер Сити»га мағлуб бўлиб, мусобақани тарк этди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)